18.04.2021 16:29
Ana səhifə | Haqqımızda | Bizimlə əlaqə  
    
 
  Son tərcümələr

  FOTOREPORTAJ| Azərbaycanda Ermənistanı “dəli edəcək” muzey açılıb
 
15.04.2021
Yeni Akit, Türkiyə
 

  Cənubi Qafqazda postmüharibə dövrü: sülh, problemlər və perspektivlər
 
14.04.2021
MODERN DIPLOMACY, Aİ
 

  FOTO| “Ermənilər cəbhədəki məğlubiyyətin əvəzini mülki şəxslərdən çıxmağa şalışıb”
 
12.04.2021
SABAH, Türkiyə
 

  MÜSAHİBƏ| Yaz Alkoqol Festivalının sədası
 
12.04.2021
BJNEWS, Çin
 

  Erməni işğalı: Qarabağda mədəni irsin məhvi
 
11.04.2021
MONDAFRIQUE, Fransa
 

 
 
FOTOREPORTAJ| “Odlar yurdu”na səyahət

 
 



Ghatreh, İran
15.03.2021


Azərbaycanda, xüsusən də paytaxt Bakıda az qala hər yanda alov rəmzi görəcəksiniz. Çünki bu diyarın tarixi odla bağlıdır. Od müasir dövrümüzdə də ölkənin milli rəmzi sayılır.
 
Azərbaycan, xüsusilə də paytaxt Bakı şəhəri son onilliklərdə böyük inkişaf yolu keçib. O, müasir ölkəyə çevrilməkdədir. Bununla yanaşı, Azərbaycan qədim ənənələrinə də sadiqdir.
 
Azərbaycanın rəmzlərindən biri alovdur. Bu, özünü həm ölkənin tarixində, həm də müasir həyatında göstərir. Hər halda, Azərbaycan təsadüfən “Odlar yurdu” adlandırılmır.
 
Azərbaycan dövlətinin gerbinin mərkəzində qırmızı alov görə bilərsiniz.
 
Bu gün Bakının demək olar ki, hər yanında alov rəmzlərinə rast gəlinir. “Alov qüllələri” adlı kompleks isə şəhərin hər yerindən görünür.
 
Niyə alov?
 
Azərbaycan zəngin təbii qaz və neft ehtiyatlarına malikdir. Qədim Roma dövrünə, o cümlədən 2500 il əvvələ aid faktlar həmin dövrdə Abşeron yarımadasında neft çıxarıldığını göstərir. Miladın beşinci əsrində, Bizans dövrünün məlumatlarına görə, insanlar bu ərazidə daim alov müşahidə edirlərmiş.
 
Yerin altındakı yüksək təzyiq qazın çatlardan səthə sızmasına səbəb olur: eynən qaz sobasının işə salınması kimi – o, səthdə alışır. Azərbaycanın müxtəlif dağları, atəş məbədləri bu səbəbdən fasiləsiz alışıb yanır. Burada alov mənbədəki qazın qutarmasınadək davam edəcək.
 
Müasir Azərbaycan
 
Alovun tarixi əhəmiyyəti Azərbaycan mədəniyyətinin damarlarında kök salıb. Bəli, alov bu ölkənin milli rəmzidir. Bakının görməli yerləri arasında Yanardağ və Atəşgah məbədi də var.
 
Ölkənin cənubunda, İranla sərhəd yaxınlığında yerləşən Astara rayonunda isə hətta suyun alovlandığı “Yanar bulaq” var.
 
Bir sözlə, 21-ci əsrdə hələ də bu ölkənin az qala hər bir yerində təbii alov görmək mümkündür. Azərbaycan məhz bu səbəbdən “Odlar yurdu” adlanır.
 
(Fars dilindən tərcümə - WorldMedia.Az)
Mənbə: Ghatreh

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az