19.02.2018 06:00
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycanın Transxəzər qapısı vasitəsilə Çindən Avropaya
 
16.02.2018
THE DIPLOMAT, Yaponiya
 

  Azərbaycan hara addımlayır?
 
16.02.2018
Trud, Rusiya
 

  Dağlıq Qarabağ: 26 il sonra Xocalı qətliamı ilə bağlı son dərəcə qəribə səssizlik
 
16.02.2018
Atlantico, Fransa
 

  Qarabağ münaqişəsi niyə hələ də həll olunmayıb?
 
15.02.2018
THE JERUSALEM POST, İsrail
 

  Rusiya Bakının Dağlıq Qarabağ siyasətini müdafiə edəcək
 
15.02.2018
ANAJ, İran
 

 
 
“Azərbaycandan ilk sərnişin qatarı dekabrın 30-da Məşhədə daxil olacaq”

 
 



IRNA, İran
27.12.2016


Müəllif: Naser Əsədzadə Hərəvi

Naxçıvan-Məşhəd marşrutu üzrə işləyəcək sərnişin qatarı Azərbaycan Respublikası və İran İslam Respublikasının yüksək vəzifəli rəsmilərinin iştirakı ilə dekabrın 29-da rəsmən istismara veriləcək.

Bunu IRNA agentliyinə Xorasan vilayəti Dəmir Yolu Baş İdarəsinin rəisi Muhəmməd Hadi Ziyayi bildirib: “Qatar dekabrın 29-u İran vaxtı ilə saat 10:30-da Naxçıvan stansiyasından hərəkətə başlayacaq. 1858 kilometr məsafə qət edəcək qatar dekabrın 30-u saat 17:00 radələrində Məşhəd şəhərinə çatacaq”.

Muhəmməd Hadi Ziyayinin sözlərinə görə, qatara biletin qiyməti 40 İsveçrə frankı/1.580.000 İran rialı təşkil edəcək. Vaqonlar 4 nəfərlik yataq şəraitli kupelərdən ibarətdir. Qatarın heyət üzvləri Azərbaycan Respublikası tərəfindən müəyyən edilir.

“Vaqon asqılarının uyğunlaşdırılması, sərnişinlərin gömrük və inzibati rəsmiləşdirilməsi müvafiq qurumlarla koordinasiya şəraitində mümkün qədər qısa vaxtda Culfa sərhəd stansiyasında həyata keçiriləcək”, - deyə o, qeyd edib: “Hazırda qatarın Naxçıvan, Culfa, Təbriz, Zəncan, Şahrud və Məşhəd marşrutu üzrə həftədə 1 dəfə hərəkəti nəzərdə tutulur. O, həftə sonu Naxçıvandan, həftə arası isə Məşhəddən yola düşəcək”.

Ziyayi bildirib ki, Naxçıvan-Məşhəd qatarına əvvəlcədən bilet satışının qiyməti yanvarın 1-dən hər iki ölkənin bilet satışı sistemində yer alacaq.

Qatar Azərbaycanla İran arasında bu ilin fevralında əldə olunmuş razılaşma əsasında istifadəyə verilir.

Ümumilikdə 10 min kilometrlik İran dəmir yolu şəbəkəsinin 14%-i, yəni 1400 kilometri Xorasan vilayətinə aiddir.

Qeyd edək ki, Xorasan vilayəti ölkənin vaqon parkında sərnişin daşınması üzrə ən çox paya malik olmaqla, birinci yerdədir. Məşhəd dəmir yolu vasitəsilə ayda orta hesabla 1.150.000 sərnişin daşınır.

(Fars dilindən tərcümə - WM)

Mənbə: IRNA


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2018, WorldMedia.az