26.02.2017 08:00
Ana səhifə | Haqqımızda | Bizimlə əlaqə  
    
 
  Son tərcümələr

  Vaezi: “Azərbaycan prezidenti qarşıdakı 10 gün ərzində Tehrana səfər edəcək”
 
24.02.2017
IRNA, İran
 

  Əliyevdən Türkiyə mesajı: “Daha sabit dövr başlayacaq”
 
24.02.2017
Yeni Şafak, Türkiyə
 

  Azərbaycan ispaniyalı arxeoloqa cinayət işi açıb
 
24.02.2017
Terra, İspaniya
 

  Azərbaycanın iqtisadiyyat naziri: “Azərbaycan İranla münasibətlərə böyük əhəmiyyət verir”
 
24.02.2017
IRNA, İran
 

  Gürcüstan, Türkiyə və Azərbaycan biznes forum keçirib
 
24.02.2017
Le Caucase, Fransa
 

 
 
2017-ci il Azərbaycanda “İslam Həmrəyliyi ili” elan olunub

 
 



IRNA, İran
11.01.2017


IRNA agentliyinin məlumatına görə, Azərbaycan Respublikasının prezidenti İlham Əliyev çərşənbə axşamı Nazirlər Kabinetinin iclasındakı çıxışında ölkəsinin 2017-ci ildə keçiriləcək IV İslam Həmrəyliyi Oyunlarına ev sahibliyi edəcəyini xatırladaraq, bunu olduqca əhəmiyyətli hadisə adlandırıb.

Azərbaycanın daim İslam dünyasının həmrəyliyi və birliyi üçün çalışdığını deyən Əliyevin sözlərinə görə, ölkəsinin İslam Həmrəyliyi Oyunlarına ev sahibliyi etməsi də dini dəyərlərə sadiqliyin göstəricisidir.

“Biz İslam birliyi üçün səylər göstəririk” deyən prezident fikrini belə davam etdirib: “Bizim aramızda nifaq yaratmaqda maraqlı olanlar öz məqsədlərinə nail olmamalıdırlar”.

Əliyev həmçinin bildirib ki, Azərbaycan müsəlman aləmində böyük hörmətə və mövqeyə malikdir. O, bütün bunları nəzərə alaraq, 2017-ci ili Azərbaycanda “İslam Həmrəyliyi ili” elan edib.

Qeyd edək ki, IV İslam Həmrəyliyi Oyunları 2017-ci il 12-22 may tarixlərində Bakıda keçiriləcək. Yarışa 50 ölkədən 20 idman növü üzrə 4 minədək idmançı qatılacaq.

(Fars dilindən tərcümə - WM)

Mənbə: IRNA

 
          

Saytın materiallarından istifadə zamanı worldmedia.az-a istinad mütləqdir  

© 2016-2017, WorldMedia.az