20.10.2017 03:44
Ana səhifə | Haqqımızda | Bizimlə əlaqə  
    
 
  Son tərcümələr

  “Qarabağ”la bərabərlik “Atletiko Madrid”i çətin vəziyyətə saldı
 
19.10.2017
The Washington Post, ABŞ
 

  Azərbaycan futbolu üçün tarixi heç-heçə! - FOTO
 
19.10.2017
YEVRO-FUTBOL, Rusiya
 

  Azərbaycan: terrorçuluqla mübarizədə ABŞ-ın tərəfdaşı
 
19.10.2017
The Washington Times, ABŞ
 

  Azərbaycan millisində oynayan ispan – Silvestr
 
18.10.2017
MARCA, İspaniya
 

  “Qarabağ”: Ermənistan-Azərbaycan müharibəsi üzündən 24 ildir Bakıda
 
18.10.2017
AS, İspaniya
 

 
 
Azərbaycan 2017-ci ildə turistlərin üstünlük verəcəyi ölkələr siyahısında

 
 



Le Caucase, Fransa
12.01.2017


Böyük Britaniyanın “The Sunday Times” nəşri Azərbaycanı 2017-ci ilin əsas turizm istiqamətləri siyahısına daxil edib.

Beləliklə, Azərbaycanın yeni turizm istiqamətinə çevrilmək cəhdləri bəhrəsini verməkdədir. Məsələ ondadır ki, o, çoxsaylı beynəlxalq tədbirlər və idman yarışları, o cümlədən Formula 1 üzrə Avropa Qran Prisini təşkil etməklə dünya dövlətlərindən, xüsusilə Avropadan turistlərin sayını artırmaq üçün təbliğat aparırdı.

Böyük Britaniyanın məşhur “The Sunday Times” həftəliyində bu yaxınlarda işıq üzü görmüş məqalə bu işi daha da sürətləndirə bilər. Nəşr 2017-ci il üçün turistlərə təklif etdiyi ölkələr sırasında Azərbaycan və Bakı haqqında ətraflı məlumat yerləşdirib. “Azərbaycanın populyarlığının artması turistlərin buradakı otellər, restoranlar və görməli yerlər haqqında müsbət rəyinə əsaslanır. Turistlər arasında bu ölkəyə maraq getdikcə artır”, - deyə məqalədə bildirilir.

2017-ci ildəki tendensiya 2016-cı ilin sonuna olan vəziyyəti təsdiqləməlidir. Məqalədə bildirilir ki, Azərbaycan ötən ilin dekabrında Asiya üzrə ən çox ziyarət edilən istiqamətlər sırasında olub. Proses yaxşı gedir və bunun gələcək illərdə də davam edəcəyi gözlənilir.

Ötən il neftin qiymətinin kəskin ucuzlaşmasından sonra ticarət dövriyyəsinin zəifləməsi fonunda yeni biznes mənbələri tapmaq istəyən Azərbaycan hökumətinin əsas məqsədi ölkəni dünya turistlərinin üzünə açmaq idi. “The Sunday Times” tərəfindən 2017-ci il üçün əsas turizm istiqamətləri kimi müəyyənləşdirilmiş Kanada, Braziliya, Peru, hətta Portuqaliya kimi ölkələrin siyahısına düşməklə, Azərbaycan tarixi dönüşə nail olub.

(Fransız dilindən tərcümə - WM)

Mənbə: Le Caucase


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2017, WorldMedia.az