20.10.2017 03:46
Ana səhifə | Haqqımızda | Bizimlə əlaqə  
    
 
  Son tərcümələr

  “Qarabağ”la bərabərlik “Atletiko Madrid”i çətin vəziyyətə saldı
 
19.10.2017
The Washington Post, ABŞ
 

  Azərbaycan futbolu üçün tarixi heç-heçə! - FOTO
 
19.10.2017
YEVRO-FUTBOL, Rusiya
 

  Azərbaycan: terrorçuluqla mübarizədə ABŞ-ın tərəfdaşı
 
19.10.2017
The Washington Times, ABŞ
 

  Azərbaycan millisində oynayan ispan – Silvestr
 
18.10.2017
MARCA, İspaniya
 

  “Qarabağ”: Ermənistan-Azərbaycan müharibəsi üzündən 24 ildir Bakıda
 
18.10.2017
AS, İspaniya
 

 
 
Rustamyan: “Gəlin təslim olaq, Azərbaycana istədiyini verək”

 
 



Lragir.am, Ermənistan
06.03.2017


Ermənistan parlamentinin Erməni İnqilabçı Federasyası (“Daşnaksutyun”) fraksiyasının rəhbəri Armen Rustamyan Erməni Milli Konqresinin (EMK) Azərbaycanla sülhə gedilməsinə dair təkliflərinə münasibət bildirib.

“Əslində, biz bu yanaşmaya qarşıyıq. Bu məsələni gündəmə gətirməzdən əvvəl özümüzə sual verməliyik ki, Ermənistan indiyədək özü bir dövlət olaraq nə edib? Sülh üçün nə edib, hansı obyektiv mövqe nümayiş etdirib? İndi, bu mövqe Azərbaycanla uzunmüddətli barışa aparıb çıxara bilərmi?”, - deyə deputat sual edib.

Rustamyan hesab edir ki, ötən illər ərzində Ermənistanın belə bir qayğısı olmayıb. Çünki indiyədək müharibənin alovlanması təhlükəsi yox idi. “Ölkədə seçki gərginliyi yaranan kimi, guya Azərbaycanla sülhə aparacaq hansısa qərar qəbul etmək fikrinə düşürük”, - deyə o, bildirib.

Rustamyan şəxsən özü düşünür ki, bölgəyə sülh gətirəcək yeganə yol Azərbaycanın tələblərinin nəzərə alınması, arzularının yerinə yetirilməsidir: “Azərbaycan əmindir ki, sülhə nail olmağın başqa yolu yoxdur. Amma bu, bir tərəfin istəyilə olmur. Onların istədikləri yalnız danışıqlar masası ətrafında reallaşa bilər. Bu isə mümkün olmur. Azərbaycan tərəfi heç bir güzəştə getmək istəmirsə, sülhə necə nail olacağıq? Yox, yekun həlli müharibə yolu ilə axtarsaq, yeganə yol təslim olmaqdır…”.

Rustamyan fikrini belə davam etdirib: “Deyək ki, Azərbaycan bizim təslim olmağımızı istəyir. Onda gəlin, onun arzusunu yerinə yetirək. Bu tezis həmin siyasi qüvvə (EMK) tərəfindən ilk dəfə irəli sürülmür. Vaxtilə ilk prezidentin kreslosunu təhvil vermək məcburiyyətində qalması da bunun nəticəsi idi. Çünki o, bu yolla gedirdi. Yəni biz sülh naminə ərazilərin geri verilməsinə razı olmalı idik. Bu formul o zamankı prezidentin ətrafı və xalq tərəfindən qəbul edilmədi. İndi, köhnə tezisləri yenidən gündəmə gətirir, yenidən ictimaiyyətə təqdim edirlər. Deyirlər ki, bu variant “Madrid prinsipləri” ilə eyni şeydir. Bəs əgər bunlar eyni şeydirsə, niyə Azərbaycan o zaman bununla razı olduğu halda, indi onu qəbul etmir? Demək, nəsə fərqlidir, prinsiplər eyni deyil. Prezident bəyan edir ki, əgər Azərbaycan Dağlıq Qarabağın müqəddəratını təyinetmə prinsipini tanıyarsa, problem danışıqlar yolu ilə həll oluna bilər. Erməni Milli Konqresinin mövqeyi isə başqalarının məmnun qalması üçündür. EMK məsələni onların xeyrinə həll etməyə çalışır”.

(Erməni dilindən tərcümə - WM)

Mənbə: Lragir.am


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2017, WorldMedia.az