23.04.2017 15:52
Ana səhifə | Haqqımızda | Bizimlə əlaqə  
    
 
  Son tərcümələr

  İşıqların rəqs etdiyi şəhər - FOTOREPORTAJ
 
21.04.2017
Hürriyet, Türkiyə
 

  İslam Həmrəyliyi Oyunları: Bakı yarışında 57 ölkə iştirak edəcək
 
21.04.2017
L’Expression, Əlcəzair
 

  Azərbaycanlı çobanın ifası interneti “partlatdı” - VİDEO
 
20.04.2017
DNI24.COM, Rusiya
 

  Naftalan vannası qəbul etmək, çimərlikdə dincəlməkçün Azərbaycana gedək
 
20.04.2017
Komsomolskaya pravda, Belarus
 

  Azərbaycanda nüvə əndişəsi
 
19.04.2017
The Washington Times, ABŞ
 

 
 
Bakı promouteri “Liberty Media”ya cavab verdi

 
 



Reuters, Böyük Britaniya
16.03.2017


Müəllif: Kler Blumfild

Çərşənbə günü Azərbaycan Qran Prisinin promouteri Arif Rəhimov Formula 1-in yeni sahibi “Liberty Media”nın bu yarışla bağlı tənqidinə cavab verib. O, “Liberty Media”nın Azərbaycan Qran Prisi ilə bağlı məlumatlı olmadığını bildirib. Söhbət “Liberty Media”nın baş icraçı direktoru Qreq Maffeyin Azərbaycan Qran Prisi ilə bağlı tənqidindən gedir. Qeyd edək ki, Formula 1-in yeni sahibi ötən həftə verdiyi açıqlamasında “Bakı şəhəri kimi yerlərdə yarış üçün bizə böyük məbləğdə pul ödənir, lakin, onlar uzunmüddətli marka və sağlam biznes yaratmaq üçün heç bir şey etmirlər” deyib.

“Bu fikirlər bizi təəssüfləndirir. Cənab Maffey cəmi yarım ildir ki, Formula 1 ilə bağlı işlərlə məşğul olur”, - deyə A.Rəhimov “Reuters”ə bildirib. O, deyib: “Biz bu yarış üzərində artıq 3 ildir işləyirik. İndi, Formula 1 ilə bağlı daha çox təcrübəmiz var. Düşünürəm ki, o, Azərbaycan Qran Prisini məlumatlı olmadığı üçün tənqid edir. Amma biz bu məsələyə baxacağıq”.

Xatırladaq ki, Qreq Maffey “Deutsche Bank Securities”in təşkilatçılığı ilə Floridada keçirilmiş “Media və Telekom” konfrasında bildirib ki, “indi, Formula 1 Bakı kimi şəhərlərdə keçirilməyə başlayıb. Çünki indi, yarışın daha çox pul ödəyən ölkələrdə keçirilməsinə yaşıl işıq yandırılıb. Lakin işimiz, yaxşı pul ödəyən partnyor tapmaqla yanaşı, həm də onlardan məhsulumuzun inkişafına kömək almaqdır. Eyni zamanda, biz təcrübəmizi də bölüşməliyik”.

Qeyd edək ki, “Liberty Media” bu ilin yanvarından, Formula 1-in yeni sahibidir. Şirkət Formula 1 yarışını Berni Ekklstoundan alıb. Xatırladaq ki, Azərbaycanla müqaviləni məhz Ekklstoun imzalayıb.

A.Rəhimovun promouter olduğu Azərbaycan Qran Prisi təqvimə ötən ildən etibarən daxil edilib. Rəhimov bildirib ki, Maffeyin tənqidi onu təəccübləndirib: “Biz həqiqətən də inanırıq ki, Bakıdakı yarış uğurlu keçib. Bunu yarışda iştirak edənlərin hamısı təsdiqləyir. Azakeşlər də pilotların yarışını, bu əyləncəni sevib. Bakıdakı yarış pilotlar üçün də uğurlu olub. Bakı treki çox çətindir. Yol asan deyil. Bu, pilotlar üçün maraqlı idi. Bakıdakı yarış möhtəşəm şou, əla yarış idi”.

Azərbaycan Qran Prisinin promouteri vurğulayıb ki, “yarışda iştirak etməyən şəxsin onu tənqid etməsi anlaşılan deyil”.

A.Rəhimov bildirib ki, indiyədək “Liberty Media” ilə çox az əlaqəsi olub. Promouterin sözlərinə görə, o, Maffey ilə yalnız Beynəxalq Avtomobil Federasiyasının sezonun yekununa dair tədbirində bir masa arxasında oturub: “Bizim biznes haqda heç bir söhbətimiz, dialoqumuz olmayıb”.

“Azərbaycan Qran Prisinin gələcəyi təhlükə altındadırmı?” sualına A.Rəhimov belə cavab verib: “Bizim 10 illik müqaviləmiz var. Yarışın 5 il keçirilməsi məcburidir. Müqavilə yalnız qarşılıqlı razılıq əsasında pozula bilər. Biz Formula 1-in daha çox gəlir əldə etməsinə böyük töhfə veririk. Düşünürəm ki, Azərbaycanda yarışın dayandırılması onlar üçün itki olacaq”.

(İngilis dilindən tərcümə - WM)

Mənbə: Reuters


 
          

Saytın materiallarından istifadə zamanı worldmedia.az-a istinad mütləqdir  

© 2016-2017, WorldMedia.az