21.11.2017 17:48
Ana səhifə | Haqqımızda | Bizimlə əlaqə  
    
 
  Son tərcümələr

  Bakıda diplomatik giqabaytları hesabladılar
 
21.11.2017
İzvestiya, Rusiya
 

  Zənginlər üçün neft vannası
 
21.11.2017
Tasnim, İran
 

  Azərbaycan – ABŞ-ın tərəfdaşı
 
21.11.2017
The Washington Times, ABŞ
 

  Azərbaycan Rəşt-Astara dəmir yolu xəttinin inşasına 500 milyon dollar ayırır
 
17.11.2017
IRNA, İran
 

  Azərbaycan Minsk qrupunun süründürməçiliyilə fövqəldövlətlərin mənafeləri arasında
 
16.11.2017
Əl-Muraqib əl-İraqi, İraq
 

 
 
Ermənistanla Azərbaycan arasında gərginlik artır - VİDEO

 
 



TRT Avaz, Türkiyə
06.07.2017


Ermənistanla Azərbaycan arasında gərginlik artır. Ermənistan ordusunun yaşayış məntəqələrini atəşə tutması nəticəsində biri uşaq olmaqla, iki dinc sakin həlak olub, bir nəfər ağır yaralanıb.

Azərbaycan Xarici İşlər Nazirliyi dinc əhalinin hədəfə alınmasının Ermənistanın dövlət siyasəti olduğunu vurğulayıb. Məsələyə Türkiyə Xarici İşlər Nazirliyindən də sərt reaksiya gəlib.

Ermənistan ordusunun Azərbaycanın yaşayış məntəqələrini hədəfə alması iki ölkə arasındakı gərginliyi artırıb. Füzuli rayonunun Alxanlı kəndi Ermənistan ordusu tərəfindən minaatanlardan atəşə tutulub. Mərmilərin bir evə düşməsi nəticəsində 50 yaşlı qadınla 2 yaşlı nəvəsi həlak olub. Həmin vaxt evdə olan daha bir nəfər ağır yaralanıb. Əməliyyat olunan yaralının vəziyyətinin qənaətbəxş olduğu bildirilir.

Azərbaycan Xarici İşlər Nazirliyi dinc əhalinin hədəfə alınmasının Ermənistan hakimiyyətinin şüurlu şəkildə həyata keçirdiyi siyasət olduğunu bəyan edib.

Məsələyə Türkiynin Xarici İşlər Nazirliyi də yazılı açıqlama ilə sərt reaksiya verib. Açıqlamada son hücumun Ermənistanın təmas xəttində həyata keçirdiyi təxribatların vətəndaşları, xüsusilə də qadın və uşaqları da hədəfə aldığını bütün çılpaqlığı ilə göstərdiyi vurğulanıb, hücüm qəti şəkildə pislənib.

 

(Türk dilindən tərcümə - WorldMedia.Az)

Mənbə: TRT Avaz


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2017, WorldMedia.az