23.06.2018 17:35
Ana səhifə | Haqqımızda | Bizimlə əlaqə  
    
 
  Son tərcümələr

  İsraildə Azərbaycan səfirliyi nə vaxt açılacaq?
 
22.06.2018
Infos-Israel.News, İsrail
 

  Azərbaycanın gözəl, rahat və əfsanəvi Masallı rayonu ilə tanış olun - FOTO
 
20.06.2018
Parsine.com, İran
 

  Azərbaycan Prezidenti Əliyev: “TANAP Türkiyə ilə Azərbaycanın növbəti zəfəridir”
 
14.06.2018
Anadolu Ajansı, Türkiyə
 

  Azərbaycan qazının Avropaya nəqlinin əngəllənməsi üçün rusların lobbiçiliyi və İtaliyanın sabotajı
 
13.06.2018
ANAJ, İran
 

  Şəmkir: Azərbaycan almanlarının sığındığı yer - VİDEO
 
12.06.2018
Mir TV, Rusiya
 

 
 
Azərbaycandan “Açıqcalar”: Halva ilə sehrləmə - VİDEO

 
 



Euronews, Aİ
02.08.2017


Müəllif: Avrora Velez

“Açıqcalar” proqramı sizi Azərbaycanla tanış etməkdə davam edir. Bu dəfə artıq Şərq dünyasının sərhədlərini belə, aşmış məşhur şirniyyat növündən – ballı halvadan söhbət açacağıq. Bu şirniyyat hələ eramızdan əvvəl 7-ci əsrdə Mesopotamiyada populyar olub.

Avrora Velez, Euronews: Biz əsasən günəbaxan tumundan hazırlanan halva ilə tanışıq. Əsl halvanın dadına isə yalnız Azərbaycanda baxmaq olar. Özü də hər bölgənin öz resepti var. Onlardan ən dadlısı, yəqin ki, Şəkidə hazırlanır”.

Halvanın hazırlanmasında qozla yanaşı, ədviyyatlardan da istifadə olunur. Məsələn, zəfəran dəmlənərək qaz lələyi ilə halvanın üzərinə çəkilir. Zəfəranla kəklikotu halvaya damağınızdan getməyəcək dad verir.

Bu qənnadı məmulatının diametri bir metrə yaxın olur. Onun ləzzətinin qarşısında heç bir qurman tab gətirə bilməz.

İstehsalçılar şirniyyatın reseptini heç kəsə açıqlamır. Bu səbəbdən onun sirrini yalnız 200 ildir bu işi öz ailə biznesinə çevirmiş adamlar bilir. Xalq arasında onları “halvaçı” adlandırırlar. Xəmirin necə bişirildiyini, ona nə qədər çəkilmiş qoz əlavə olunduğunu, şərbətin necə hazırlandığını heç kəs heç zaman incəliklərinə qədər bilməyəcək. Lakin yerli halvaçı Toğrul Əliəhmədli bəzi sirləri bizimlə bölüşdü.

Toğrul Əliəhmədli, halvaçı: “Düyü unundan hazırlanmış halva beş yuxadan, fındıqdan və ədviyyatdan ibarətdir. Sonra onun üstünə su və limondan hazırlanmış şərbət yayılır. Hazır məhsul bir gün sonra satışa buraxılır”.

Xəmirin necə bişirildiyini, ona nə qədər çəkilmiş qoz əlavə olunduğunu, şərbətin necə hazırlandığını heç kəs heç zaman incəliklərinə qədər bilməyəcək. Təkrar etməyə çalışmayın! Heç nə alınmayacaq. Sadəcə gəlin və dadın.

 

(Rus dilindən tərcümə - WorldMedia.Az)

Mənbə: Euronews


 
          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az