21.11.2017 17:41
Ana səhifə | Haqqımızda | Bizimlə əlaqə  
    
 
  Son tərcümələr

  Bakıda diplomatik giqabaytları hesabladılar
 
21.11.2017
İzvestiya, Rusiya
 

  Zənginlər üçün neft vannası
 
21.11.2017
Tasnim, İran
 

  Azərbaycan – ABŞ-ın tərəfdaşı
 
21.11.2017
The Washington Times, ABŞ
 

  Azərbaycan Rəşt-Astara dəmir yolu xəttinin inşasına 500 milyon dollar ayırır
 
17.11.2017
IRNA, İran
 

  Azərbaycan Minsk qrupunun süründürməçiliyilə fövqəldövlətlərin mənafeləri arasında
 
16.11.2017
Əl-Muraqib əl-İraqi, İraq
 

 
 
Dünyanın ən kiçik Quranı bu muzeydədir! - FOTOREPORTAJ

 
 



Hürriyet, Türkiyə
30.08.2017


Azərbaycanda dünyanın ilk və yeganə miniatür muzeyi qonaqlarını qarşılayır. 66 ölkədən gətirilmiş  kitabların nümayiş etdirildiyi muzeyə giriş pulsuzdur. Muzeyin ən qiymətli əsərlərindən biri isə Quranın 7-ci əsrə aid əlyazmasıdır. Budur, yalnız 7,5 santimetrdən kiçik kitabların miniatür olaraq qəbul edildiyi muzey.

Dünyanın ilk və yeganə miniatür kitab muzeyinin tarixi Azərbaycanın məşhur rəssamı Tahir Salahovun bacısı, filoloq Zərifə Salahovanın getdiyi hər ölkədə miniatür kitab toplamasıyla başlayıb. Bütün imkanlarını səfərbər edən Salahova Azərbaycan prezidentinin də dəstəyi sayəsində öz arzusunu həyata keçirərək, kolleksiyasını gözəl bir muzeyə çevirib.

Muzeydəki ən kiçik kitab 0,75x0,75 millimetr ölçüsündəki “Dörd mövsüm çiçəkləri”dir. Kitab Yaponiyada “Toppan” nəşriyyatı tərəfindən nəşr olunub. 22 səhifəlik bu kitabı ancaq xüsusi mikroskopla oxumaq mümkündür.

Muzeydə ölkəmizdən də bir çox əsərə yer verib. Bunlarln arasında “Kitabi-Dədə Qorqud”, “Koroğlu”, “Atatürkün nitqi”, Alpaslan Türkeşin “Doqquz işıq” adlı kitabı ilə Ümit Yaşar Oğuzcanın şeir kitabları, Nazım Hikmət və Yaşar Kamalın kitabları var.

6 mindən çox kitabın olduğu muzeydə ən mühüm eksponatlardan biri də 7-ci əsrə aid Quran əlyazmasıdır.

Muzeydə miniatür kitablar, eləcə də müxtəlif zərrəbinlərin köməyilə oxuna biləcək mikro kitablar mövcüddur. Onlar miniatür olmaqla yanaşı, tarixi baxımdan da  dəyərlidir.

Zarif Salahova miniatür kitabları ilə müxtəlif sərgilərdə iştirak edir, bununla da muzeyini tanıdır. Bakıya gələn turistlərin də baş çəkdiyi bu muzeylə indi, bütün dünya maraqlanır. O, dünyanın ən geniş miniatür kitab kolleksiyasına sahib muzey kimi, Ginnesin  “Rekordlar kitabı”na düşüb.

(Türk dilindən tərcümə - WorldMedia.Az)

Mənbə: Hürriyet


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2017, WorldMedia.az