21.02.2018 11:18
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycanda prezident seçkisi - 2018
 
20.02.2018
National Courier, Pakistan
 

  Arxiyepiskop Gallager Azərbaycanda ilk katolik yepiskopunu təqdis edib
 
19.02.2018
Cath.ch, İsveçrə
 

  Zaman Ermənistanın əleyhinə işləyir
 
19.02.2018
ANAJ, İran
 

  Azərbaycanın Transxəzər qapısı vasitəsilə Çindən Avropaya
 
16.02.2018
THE DIPLOMAT, Yaponiya
 

  Azərbaycan hara addımlayır?
 
16.02.2018
Trud, Rusiya
 

 
 
Türkiyə, Azərbaycan və Gürcüstanın XİN rəhbərlərinin görüşündən Yerevana mesaj

 
 



ANAJ, İran
13.09.2017


Ermənistanın daha da təcrid olunması və bölgədəki nəhəng iqtisadi layihələrdən məhrum edilməsi son illər Azərbaycan üçün dividentə çevrilib.

Sentyabrın 6-da Bakıda Türkiyə, Azərbaycan və Gürcüstanın xarici işlər nazirləri arasında üçtərəfli görüş keçirilib. Görüşün sonunda tərəflər iki vacib sənəd – Birgə Bəyannamə və 2017-2019-cu illər üçün birgə tədbirlər planını imzalayıb.

Bakı görüşü ölkələrin ərazi bütövlüyünə hörmət, regional təhlükəsizliyin və stabilliyin təmin edilməsi baxımından mühüm diplomatik hadisə hesab olunmaqla yanaşı, üç ölkə arasında siyasi, iqtisadi və hərbi əlaqələrin genişləndirildiyinin göstəricisidir.

Demək olar ki, sözügedən üç ölkənin ortaq cəhəti Ermənistanla həmsərhəd olması və Yerevanın bu üç dövlətə qarşı ərazi iddialarıdır. Böyük ehtimalla, bu üçtərəfli görüşün Ermənistana mesajı belə olacaq: əgər Cənubi Qafqaz bölgəsində dinc, yanaşı yaşamaq istəyirsənsə, ilk olaraq Rusiya ilə deyil, bu 3 ölkə ilə razılığa gəlməlisən.

Aydındır ki, üç ölkə arasındakı hərbi-texniki əməkdaşlıq ən yüksək səviyyədədir. Hətta müştərək hərbi qüvvələrin yaradılması və ilkin mərhələdə üç dövlətin enerji kəmərlərinin təhlükəsizliyinin təmin edilməsi də nəzərdə tutulur. İqtisadi sahədə bunu qeyd etmək kifayətdir ki, Azərbaycan Gürcüstandakı xarici investorlar arasında ilk yerdə qərarlaşır. 

Əgər Ermənistan qonşularla münasibətlərində xoş niyyətli olsaydı, bu gün müxtəlif enerji layihələrindən, o cümlədən “Cənub Qaz Dəhlizi”, Bakı-Tbilisi-Ceyhan neft boru kəməri və Bakı-Tbilisi-Ərzurum dəmir yolu xəttindən böyük mənfəət əldə edəcək, Rusiyadan neft-qaz asılılığından azad olacaq, ən əsası isə silahlanmaya xərclənən və Cənubi Qafqazı hərbi silah anbarına çevirən pullar sosial, tibbi və humanitar məsələlərin həllinə sərf ediləcəkdi.

(Fars dilindən tərcümə - WorldMedia.Az)

Mənbə: ANAJ


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2018, WorldMedia.az