21.11.2017 17:39
Ana səhifə | Haqqımızda | Bizimlə əlaqə  
    
 
  Son tərcümələr

  Bakıda diplomatik giqabaytları hesabladılar
 
21.11.2017
İzvestiya, Rusiya
 

  Zənginlər üçün neft vannası
 
21.11.2017
Tasnim, İran
 

  Azərbaycan – ABŞ-ın tərəfdaşı
 
21.11.2017
The Washington Times, ABŞ
 

  Azərbaycan Rəşt-Astara dəmir yolu xəttinin inşasına 500 milyon dollar ayırır
 
17.11.2017
IRNA, İran
 

  Azərbaycan Minsk qrupunun süründürməçiliyilə fövqəldövlətlərin mənafeləri arasında
 
16.11.2017
Əl-Muraqib əl-İraqi, İraq
 

 
 
Azərbaycanda halal turizm inkişaf edir

 
 



ShiaNews, İran
07.11.2017


Azərbaycan müsəlman turistləri qəbul etmək üçün turizmi inkişaf etdirmək və halal mehmanxanaları genişəndirmək niyyətindədir. 

“Şia News” agentliyinin məlumatına görə, turizm Azərbaycan iqtisadiyyatında ən mühüm sektorlardan birinə çevrilməkdədir. Cari ildə bu ölkəyə böyük turist axını bunu təsdiq edir. Bir sözlə, Azərbaycanda turizm sektoru sürətlə inkişaf etməkdədir və hazırda bu sektor ümumdaxili məhsulun təxminən 4,5%-ni təşkil edir.

Turistlərdən danışarkən, Azərbaycana müsəlman ölkələrindən gələn turist sayının gündən-günə artdığını da qeyd etməmək olmaz. Bu faktı nəzərə alan Bakı “halal turizm”i genişləndirməyi düşünür.

Azərbaycan Turizm Assosiyasiyasının rəhbəri Müzəffər Ağakərimov deyir: “Ölkədə yeni mehmanxanalar inşa olunur. Odur ki, halal standartlarla idarə olunan mehmanxanaların sayının artması da mümkündür. Gələcəkdə bir sıra sahibkarlar halal standartlarla idarə olunacaq mehmanxanalar inşa edə bilər. Bu iş daha çox investisiya yatırılmasını tələb edir”. 

Ağakərimov hesab edir ki, mehmanxanalarda halal standartların tətbiq edilməsi müsəlman ölkələrindən gələn turistlərin sayından asılıdır.

Hazırda dünyanın bütün ölkələrinə səyahət edən müsəlman turistlərin sayı 108 milyondur. 2020-ci ilə bunun 150 milyon nəfərədək artacağı gözlənilir.

(Fars dilindən tərcümə - WorldMedia.Az)

 

Mənbə: ShiaNews


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2017, WorldMedia.az