17.11.2018 17:59
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağ: Bakı Parisi ikili standartlarda ittiham edir
 
16.11.2018
Sputnik France, Fransa
 

  Bolqarıstan qaza olan təlabatının 30%-ni Azərbaycanın hesabına ödəməyi düşünür
 
15.11.2018
SINOPECNEWS, Çin
 

  Sevinc Fətəliyeva: “Azərbaycan qadınının siyasi fəaliyyətinin 100 illik tarixi var” - MÜSAHİBƏ
 
15.11.2018
The London Post, Böyük Britaniya
 

  Çinlə Azərbaycan ticarət əlaqələrini daha da gücləndirəcək - MÜSAHİBƏ
 
14.11.2018
GLOBAL TIMES, Çin
 

  Ermənistan üçün çevrə daralır
 
14.11.2018
Yeni Şafak, Türkiyə
 

 
 
İranın vitse-prezidenti: “Azərbaycanla əlaqələrin inkişafı Tehranın strateji siyasətidir”

 
 



ISNA, İran
10.01.2018


İranın parlament məsələləri üzrə vitse-prezidenti Hüseynəli Əmiri: “Azərbaycanla əlaqələrin inkişaf etdirilməsi İran İslam Respublikasının strateji və praktik yanaşmasıdır. Bu siyasətdən hər iki ölkə yararlanır”.

Ərdəbil vilayətinə səfəri çərçivəsində ISNA agentliyinə müsahibə verən Hüseynəli Əmiri deyib ki, hökumətin məqsədlərindən biri qonşu ölkələrlə münasibətləri genişləndirməkdir. “Bu mənada Azərbaycanla əlaqələrin möhkəmləndirilməsi xüsusi önəm və əhəmiyyət daşıyır”, - deyə o, qeyd edib.

Bu məqsədə nail olunması üçün İran və Azərbaycan prezidentlərinin çoxsaylı görüşlər keçirdiklərini xatırladan Əmiri deyib: “İran höküməti iki ölkə arasında iqtisadi, siyasi, ticarət və mədəni əməkdaşlığın heç bir maneəsiz inkişafında maraqlı olduğunu dəfələrlə bəyan edib. Son illərdə bu əlaqələrin sürətlə inkişaf etdiyini, getdikcə möhkəmləndiyini müşahidə edirik. Hər iki ölkənin bunda maraqlı olması münasibətlərin genişlənməsinə yardım edir. Ümid edirik ki, iki ölkə arasındakı ortaq cəhətlər regional və beynəlxalq əlaqələrin möhkəmləndirilməsinə zəmin yaradacaq”.

Əmiri İranla Azərbaycan arasında Astara və Biləsuvar gömrük məntəqələri vasitəsilə dəmir yolu kommunikasiyasının təkmilləşdirilməsinin əhəmiyyətini də vurğulayıb. “İran prezidenti yol və şəhərsalma nazirinə bununla bağlı dəfələrlə göstəriş verib. Prezident hesab edir ki, iki ölkə dəmir yolu vasitəsilə birləşməli və bununla, ümumi maraqlar əsasında iqtisadi-ticarət əlaqələri inkişaf etdirilməlidir”, - deyə vitse-prezident qeyd edib: “Biz Ərdəbil-Miyana dəmir yolu xəttinin Ərdəbil vilayətinin şimal hissəsinə qoşulacağına və Azərbaycan dəmir yolu xəttilə birləşəcəyinə, beləliklə də qonşu ölkə ilə qarşılıqlı fəaliyyət və mübadilə üçün şəraitin yaranacağına ümid edirik”.

Əmiri hökumətin İranda 8 azad ticarət zonasının yaradılması planı haqda da danışıb: “Hazırda layihəyə parlamentin iqtisadi komissiyasında baxılır və ümidvarıq ki, parlamentin açıq iclasında yekun layihə təsdiqlənəcək. Bununla da Ərdəbil vilayəti ölkənin azad ticarət zonalarına qoşulacaq”.

(Fars dilindən tərcümə - WorldMedia.Az)

Mənbə: ISNA


 


          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az