16.02.2019 04:17
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycana səfər
 
14.02.2019
THE NEWS, Pakistan
 

  İran-Azərbaycan: yaxın qonşular və regional müttəfiqlər
 
13.02.2019
IRNA, İran
 

  “Azərbaycan ABŞ-dan “təyyarələr və satellitlər” kateqoriyasına aid 197 milyon dollarlıq mal alıb”
 
12.02.2019
Aysor.am, Ermənistan
 

  Azərbaycanın Cibutidəki səfiri Elman Abdullayev ilə - MÜSAHİBƏ
 
12.02.2019
La Nation, Cibuti
 

  Paşinyanla Əliyev Moskvanın məqsədini anlamağa çalışırlar
 
11.02.2019
1in.am, Ermənistan
 

 
 
Azərbaycanın xarici likvid aktivləri xarici borcunu üstələyəcək

 
 



Le Caucase, Fransa
30.01.2018


“Azərbaycanda maliyyə sisteminin nisbətən zəif olmasına baxmayaraq, biz iqtisadi artımın sürətlənməsilə paralel olaraq, onun tədricən güclənəcəyini proqnozlaşdırırıq”, - deyə “Standard&Poor’s” (S&P) beynəlxalq reytinq agentliyinin Azərbaycanın suveren kredit reytinqilə bağlı məlumatında bildirilir.

Agentlik bank risklərinə nəzarət sahəsindəki son inkişafı da yüksək qiymətləndirir. S&P qeyd edir ki, ölkədə ixtisaslaşdırılmış bank tənzimləyicisi – Maliyyə Bazarlarına Nəzarət Palatası yaradılıb və bu qurum bank risklərinə nəzarət etmək üçün əlavə resurslar əldə edib. Büdcə vəziyyətinin inkişafı ilə Azərbaycanın xarici birjalardakı mövqeyi də möhkəm olaraq qalır. “Biz proqnozlaşdırırıq ki, yaxın gələcəkdə ölkənin xarici likvid aktivləri xarici borcunu üstələyəcək”, - deyə məlumatda bildirilir.

“Hazırda ölkəyə xaricdən pul axınının tədricən artacağını proqnozlaşdırırıq. Bu da dayanıqlılığın azalmasının qarşısını ala bilər. Bununla belə, Azərbaycanın ticarət şərtləri mümkün dəyişikliklərlə münasibətdə həssas olaraq qalacaq. Biz, həmçinin Azərbaycanın tədiyyə balansı və xarici investisiya mövqeyi ilə bağlı mövcud məlumatların məhdud olduğunu düşünürük. Bu isə xarici risklərin düzgün qiymətləndirilməməsinə yol açır”, - deyə ölkənin suveren kredit reytinqilə bağlı məlumatın müəllifləri vurğulayır.

(Fransız dilindən tərcümə - WorldMedia.Az)

Mənbə: Le Caucase


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az