21.02.2018 11:22
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycanda prezident seçkisi - 2018
 
20.02.2018
National Courier, Pakistan
 

  Arxiyepiskop Gallager Azərbaycanda ilk katolik yepiskopunu təqdis edib
 
19.02.2018
Cath.ch, İsveçrə
 

  Zaman Ermənistanın əleyhinə işləyir
 
19.02.2018
ANAJ, İran
 

  Azərbaycanın Transxəzər qapısı vasitəsilə Çindən Avropaya
 
16.02.2018
THE DIPLOMAT, Yaponiya
 

  Azərbaycan hara addımlayır?
 
16.02.2018
Trud, Rusiya
 

 
 
Pakistan səfiri: “İslamabad Dağlıq Qarabağ münaqişəsində Azərbaycanın yanındadır”

 
 



IRNA, İran
07.02.2018


Pakistanın Bakıdakı səfiri Səid Xan Mohmand rəsmi İslamabadın Dağlıq Qarabağ münaqişəsində Azərbaycanı dəstəklədiyini vurğulayıb: “Dağlıq Qarabağ problemi bizim üçün Kəşmir münaqişəsi kimidir”.

IRNA agentliyinin məlumatına görə, Bakıda Kəşmir münaqişəsilə bağlı keçirilən tədbirdə çıxış edən səfir deyib: “Azərbaycan Dağlıq Qarabağ münaqişəsindən əziyyət çəkir. İslamabad bu məsələdə Bakıya dəstəyini davam etdirəcək”.

“Kəşmir də BMT-nin Təhlükəsizlik Şurasının qətnamələrinin tələblərinə zidd olaraq işğal olunub. İslamabad beynəlxalq birliyi zorakılığa qarşı çıxmağa, Kəşmirin işğalına son qoyulması üçün qarşı tərəfə təzyiq göstərməyə çağırır”, - deyə Səid Xan Mohmand bildirib. Diplomat hesab edir ki, bu münaqişə həll olunmadan bölgədə sülh və sabitliyin bərqərar olması qeyri-mümkündür: “Kəşmir münaqişəsi zamanı 100 mindən artıq insan həyatını itirib, 10 min nəfər itkin düşüb”.

O Azərbaycanla Pakistan arasında hərbi sahədə mövcud əməkdaşlığa toxunaraq deyib: “Ötən il Azərbaycana 10 ədəd təlim təyyarəsinin satışı ilə bağlı müqavilə imzaladıq. Bu ilin yanvarında isə iki ölkə arasında hərbi əməkdaşlığa dair sayca səkkizinci iclas keçirilib. Fevralın 27-28-də Bakıda iki ölkə arasında siyasi məsləhətləşmələrin növbəti mərhələsi keçiriləcək”.

Səfirin sözlərinə görə, Pakistan və Azərbaycanın xarici işlər nazirlərinin müavinləri səviyyəsində keçirilən bu məsləhətləşmələrdə iki ölkə əlaqələrinin müxtəlif aspektləri, o cümlədən siyasi, iqtisadi, ticarət və hərbi sahədə əməkdaşlıq məsələləri müzakirə olunur.

(Fars dilindən tərcümə - WorldMedia.Az)

Mənbə: IRNA


 
          

Saytın materiallarından istifadə zamanı worldmedia.az-a istinad mütləqdir.  

Tərcümə olunan məqalələrin məzmununa görə redaksiya məsuliyyət daşımır.  

© 2016-2018, WorldMedia.az