18.11.2018 17:13
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağ: Bakı Parisi ikili standartlarda ittiham edir
 
16.11.2018
Sputnik France, Fransa
 

  Bolqarıstan qaza olan təlabatının 30%-ni Azərbaycanın hesabına ödəməyi düşünür
 
15.11.2018
SINOPECNEWS, Çin
 

  Sevinc Fətəliyeva: “Azərbaycan qadınının siyasi fəaliyyətinin 100 illik tarixi var” - MÜSAHİBƏ
 
15.11.2018
The London Post, Böyük Britaniya
 

  Çinlə Azərbaycan ticarət əlaqələrini daha da gücləndirəcək - MÜSAHİBƏ
 
14.11.2018
GLOBAL TIMES, Çin
 

  Ermənistan üçün çevrə daralır
 
14.11.2018
Yeni Şafak, Türkiyə
 

 
 
Azərbaycan Silahlı Qüvvələri üçün Rusiyadan yeni zirehli texnika və hərbi avadanlıqlar

 
 



ARMY RECOGNITION, Belçika
13.02.2018


“Azərbaycan Respublikası ilə Rusiya Federasiyası arasında hökumətlərarası razılaşmaya əsasən ölkəmizə gətirilən müasir hərbi texnikanın bir hissəsi Ordumuzun arsenalına daxil edilib”, - deyə Azərbaycan Müdafiə Nazirliyinin 2018-ci il fevralın 8-də yaydığı bəyanatında bildirilir.

Bəyanatda qeyd olunur ki, həyata keçirilən son hərbi təlimlərdə Rusiyanın yeni hərbi avadanlılqarı və maşınlarından da istifadə olunub.

Qeyd edək ki, Azərbaycan 1991-ci ildən, yəni müstəqillik əldə etdikdən bu yana diqqətini müasirləşmə proqramlarına və xarici ölkələrdən silah almaqla, Silahlı Qüvvələrinin imkanlarını artırmağı yönəldib. Azərbaycan Rusiya, İsrail, Türkiyə, Pakistan və Belarusdan müxtəlif növ silahlar alır. Bununla yanaşı, bu ölkə yeni silahlar istehsal etmək üçün öz imkanlarını da artırır. Hər il Bakıda keçirilən “ADEX” sərgisinə Azərbaycan Müdafiə Sənayesi Nazirliyi və Müdafiə Nazirliyinin dəvətilə müxtəlif ölkələrin nazirlər və ya nazir müavinlərinin rəhbərlik etdiyi yüksək rütbəli beynəlxalq hərbi nümayəndə heyətləri, hüquq-mühafizə və təhlükəsizlik orqanlarının rəhbərləri, ixrac təşkilatları qatılır.

Azərbaycan “ADEX” beynəlxalq müdafiə sərgisini 2014-cü ildən təşkil edir. İndiyədək bu sərgilərə 31 ölkəni təmsil edən 558 şirkət qatılıb. Növbəti sərgi 2018-ci il sentyabrın 25-27-də keçiriləcək.

Azərbaycan Maliyyə Nazirliyi 2017-ci il oktyabrın 9-da 2018-ci ilin hərbi büdcəsi ilə bağlı layihəni təqdim edib. Layihədə hərbi büdcə 1,6 milyard dollar təşkil edir. Bu, ötən ilin göstəricisindən 3,7% çoxdur. 2017-ci ildə ölkənin hərbi büdcəsi 1,56 milyard dollar idi. 2018-ci ilin hərbi büdcəsində 800 milyon dollar Silahlı Qüvvələrə, 60 milyon dollar milli təhlükəsizliyə, 740 milyon dollar isə başqa müdafiə xərclərinə ayrılıb.

Stokholm Beynəlxalq Sülh Araşdırmaları İnstitutunun silah ticarəti hesabatına əsasən, Azərbaycan 2010-cu ildən bəri Rusiyadan böyük miqdarda hərbi avadanlıqlar alıb. Buraya 100 ədəd tank əleyhinə “AT-14” raketi, 2 divizion “S-300 PMU2” zenit raket sistemi, 18 ədəd 2S19 (152 mm) özüyeriyən artilleriya qurğusu, 18 ədəd 2S31 (120 mm) “Vena” özüyeriyən artilleriya qurğusu, sayı məlum olmayan BTR-82A zirehli transportyoru, 118 ədəd BMP-3 IFV piyada döyüş maşını, 100 ədəd T-90S tankı, 18 ədəd TOS-1A ağır reaktiv odsaçan sistemi, 2 ədəd SA-11 özüyeriyən zenit raket komplesi daxildir.  

Azərbaycan Silahlı Qüvvələrini gücləndirmək, Türkiyənin yardımı ilə hərbi birləşmələrinə hazırlıq keçirmək məqsədilə çox sayda müdafiə müqavilələri imzalayıb. Azərbaycan 15 ildir öz ordusunu Dağlıq Qarabağda erməni hərbi birləşmələrinə qarşı mümkün hərbi əməliyyata hazırlayır.

(İngilis dilindən tərcümə - WorldMedia.Az)

Mənbə: ARMY RECOGNITION


 


          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az