21.05.2018 18:33
Ana səhifə | Haqqımızda | Bizimlə əlaqə  
    
 
  Son tərcümələr

  Aİ-Azərbaycan ticarət sazişi 2019-cu ildə hazır olacaq
 
21.05.2018
EurActiv, Aİ
 

  Azərbaycan səfiri: “Tacikistanla münasibətlərimiz qarşılıqlı dostluğa və etimada əsaslanır” - FOTO
 
18.05.2018
AVESTA, Tacikistan
 

  Yuri Lujkov xüsusi olaraq “Moskva-Baku” üçün: “Bir gecə Azərbaycanda sakinsiz adaya düşdüm”
 
18.05.2018
MOSKVA-BAKU.RU, Rusiya
 

  “Azərbaycan gələcəyin ulduzu kimi parlayır və parlamağa davam edəcək”
 
17.05.2018
AKŞAM, Türkiyə
 

  Azərbaycan: “Ermənistan Suriya xalqından Dağlıq Qarabağda vəziyyəti mürəkkəbləşdirmək üçün istifadə edir”
 
16.05.2018
Sputnik, Türkiyə
 

 
 
Eurovision-2018: Yenidən finala yüksəlmək istəyən Azərbaycan Ayselə güvənir

 
 



20 minutes, Fransa
18.04.2018


O, kimdir? Ayselin 28 yaşı var. Ölkəsini 2018-ci ildə keçiriləcək “Eurovision” mahnı müsabiqəsində təmsil etmək üçün Azərbaycan Dövlət Konservatoriyasını bitirmiş bu ifaçı seçilib.

Onun müsabiqədə ifa edəcəyi X My Heart” mahnısının nəqarətində deyilir: “Mən söz verirəm, mən alovlanan divarları yıxaram. Mən söz verirəm, top mərmilərindən daha güclüyəm. Mən heç vaxt dayanmayacağam. Luna, məni Aya, zirvələrə apar və mən heç vaxt dayanmayacağam”.

Azərbaycan mayın 8-də keçiriləcək və France 4 kanalı ilə yayımlanacaq birinci yarımfinalda çıxış edəcək. Əgər Aysel növbəti mərhələyə keçərsə, mayın 12-də keçiriləcək finalda bir daha səhnəyə çıxacaq.

Bunları bilmək lazımdır: Azərbaycan dilində Aysel sözünün mənası “Aya aparan yol” deməkdir.

Fanatlardan biri deyir: “Mən bu mahnını həqiqətən sevirəm! Bu, “Eurovision-2018”də mənim zövqümü oxşayacaq. Mahnının sözləri çox mükəmməl olmasa da, onu dinləmək mənə sevinc bəxş edir” (şərh “YouTube”dan götürülüb).

Digər fanat: “Bilirəm ki, o, top mərmisindən daha güclü olduğunu deyir. Amma mahnını dinləyən zaman məndə elə təəssürat yaranır ki, o, dəvədən güclü olduğunu deyir”. (şərh “YouTube”dan götürülüb).

Müsabiqəyə ilk dəfə 2008-ci ildə qatılmış Azərbaycan bütün yarışlarda final mərhələsinə vəsiqə qazanmağı bacarıb. 2011-ci ildə isə o, yarışın qalibi olub.

Bəs bu ssenari bu il də təkrarlanacaqmı? Bunu tam əminliklə söyləmək çətindir. Çünki Aysel mahnı bayramının açılışında – mayın 8-də keçiriləcək yarımfinalda səhnəyə çıxan ilk ifaçı olacaq. Bu isə çoxsaylı digər favoritlərə – İsrailə, Çexiyaya, Bolqarıstana, Estoniyaya və başqalarına daha geniş meydan açacaq. Bununla yanaşı, unutmayaq ki, “X My Heart” yüksək templi mahnıdır və televiziya tamaşaçıları kütləvi şəkildə ona səs verə bilər.

(Fransız dilindən tərcümə - WorldMedia.Az)

Mənbə: 20 minutes


 
          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az