16.02.2019 04:19
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycana səfər
 
14.02.2019
THE NEWS, Pakistan
 

  İran-Azərbaycan: yaxın qonşular və regional müttəfiqlər
 
13.02.2019
IRNA, İran
 

  “Azərbaycan ABŞ-dan “təyyarələr və satellitlər” kateqoriyasına aid 197 milyon dollarlıq mal alıb”
 
12.02.2019
Aysor.am, Ermənistan
 

  Azərbaycanın Cibutidəki səfiri Elman Abdullayev ilə - MÜSAHİBƏ
 
12.02.2019
La Nation, Cibuti
 

  Paşinyanla Əliyev Moskvanın məqsədini anlamağa çalışırlar
 
11.02.2019
1in.am, Ermənistan
 

 
 
Dino Ndlovu “Qarabağ”la danışıqlar aparan Billianta məsləhət verir

 
 



KICKOFF.com, CAR
03.05.2018


Müəllif: Zola Doda

Zimbabveli futbolçu Xama Billiantın klubu ilə yollarını ayırdığı və Azərbaycanın “Qarabağ” komandası ilə müqavilə imzaladığı haqda xəbərlər dolaşır.

Dino Ndlovu 2016-2017-ci illərdə “Qarabağ” klubunun şərəfini qoruyub. Daha sonra o, Çinin ikinci dvizionunda çıxış edən “Quançjou Qrintaun” klubuna keçib.

“Billianta demək istədiyim odur ki, “Qarabağ”a keçərsə, işinə 1000% məsuliyyətlə yanaşmalıdır. Doğrudur, klubun baş mşəqçisi Qurban Qurbanov futbolçuları əsir kimi saxlamır. Amma o, sanki bir diktatordur”, - deyə Ndlovu bildirib.

Ndlovunun sözlərinə görə, “Qarabağ”ın baş məşqçisi “gecə həyatı”nı sevən, gecə klublarına gedən oyunçuları xoşlamır: “O, şəhər haqda hər şeyi bilir, hər şeyi nəzarətdə saxlayır. “Qarabağ”ın baş məşqçisi sizə deyə bilər ki, filan vaxt evdə olmalısınız, əks halda cərimələnəcəksiniz. Səhəri gün o, sizdən soruşacaq: “Ötən gecə harada idin və evə saat neçədə qayıtmısan?”. Əgər Qurban Qurbanov sizə bu sualı verirsə, demək o, artıq cavabı bilir”.

Ndlovu deyir ki, “Qarabağ”ın baş məşqçisi oyunçularının futbola tam bağlı olmalarını istəyir: “O, oyunçuların futbolla yaşamasını istəyir. Əgər Billiantın “Qarabağ”a transferilə bağlı xəbərlər doğrudursa, o, futboldan başqa heç nə haqda düşünməli deyil. Billiantın həyatı futbol olmalıdır. Digər məsələlər ikinci plana keçməlidir”.

(İngilis dilindən tərcümə - WorldMedia.Az)

Mənbə: KICKOFF.com


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az