18.03.2019 19:37
Ana səhifə | Haqqımızda | Bizimlə əlaqə  
    
 
  Son tərcümələr

  Gürcüstan prezidenti Cənubi Qafqazda balansı dəyişdi
 
15.03.2019
Kommersant, Rusiya
 

  Essyenin yeni ünvanı Azərbaycandır
 
15.03.2019
Milliyet, Türkiyə
 

  Pakayin: “Tehranla Bakı strateji əlaqələr haqda düşünür”
 
15.03.2019
ISNA, İran
 

  Belarusun Azərbaycana satdığı “Polonez” tipli komplekslər Ermənistanın hər nöqtəsini vurmağa qadirdir
 
14.03.2019
168hours, Ermənistan
 

  Əhalisinin əksəriyyəti müsəlman olan Azərbaycan yevangelist liderlərə qucaq açdı - VİDEO
 
12.03.2019
CBN NEWS, ABŞ
 

 
 
Prezident Heydər Əliyevin anadan olmasının 95 illiyi

 
 



Əl-Cəridə, Küveyt
14.05.2018


Müəllif: Elxan Qəhrəman (Azərbaycanın Küveytdəki səfiri)

Azərbaycanın mərhum lider Heydər Əliyev ölkəsinin ərəb dövlətlərilə, islam ölkələrilə əlaqələrinə böyük diqqət yetirirdi. 1991-ci ilin payızında Sovet İttifaqının dağılması ilə yeni dünya düzəninin yaranmasından bu yana müasir Azərbaycan intibahının banisi olan Heydər Əliyev ölkəsinin islam dünyasına mənsubluğunu vurğulamaqla yanaşı, bir tərəfdən Qərblə, Avropa ilə, digər yandan isə ərəb ölkələri və Asiya ilə balanslı münasibətlərin qurulmasına çalışıb.

Bu ayın 10-da Azərbaycan xalqının ümummilli lideri, sabiq prezident Heydər Əliyevin dünyaya gəlməsinin 95-ci ildönümü olub. O, 1923-cü il mayın 10-da Naxçıvan şəhərində dünyaya göz açıb. Azərbaycanın sosial-iqtisadi inkişafında həlledici rol oynamış Heydər Əliyev ölkəsini dünyada çiçəklənən dövlətlərdən birinə çevirib. Bu gün Azərbaycanın bütün iqtisadi və siyasi nailiyyətləri, sosial problemlərinin həlli Heydər Əliyevin adı ilə bağlıdır. Məhz onun siyasi iradəsi, səbri, möhkəmliyi, vətəninə, xalqına bəslədiyi böyük sevgi sayəsində bu gün Azərbaycanda demokratiya, sabitlik və sülh hökm sürür.

Mərhum lider Heydər Əliyev ölkəsinin ərəb dövlətlərilə, islam ölkələrilə əlaqələrinə böyük diqqət yetirirdi. 1991-ci ilin payızında Sovet İttifaqının dağılması ilə yeni dünya düzəninin yaranmasından bu yana müasir Azərbaycan intibahının banisi olan Heydər Əliyev ölkəsinin islam dünyasına mənsubluğunu vurğulamaqla yanaşı, bir tərəfdən Qərblə, Avropa ilə, digər yandan isə ərəb ölkələri və Asiya ilə balanslı münasibətlərin qurulmasına çalışıb. Bu gün Azərbaycan prezidenti İlham Əliyev də bu siyasətə sadiqdir. Lakin Azərbaycanla ərəb-islam dünyası arasında hərtərəfli əlaqələrin ictimai-siyasi, elmi, mədəni və mənəvi bazasını məhz Heydər Əliyev yaradıb. O, ərəb dövlətləri və ümumilikdə islam aləmilə əlaqələrə iki çərçivədə baxırdı: siyasi-iqtisadi, mədəni və humanitar münasibətlərin genişləndirilməsi və islam dünyasının üzvü olan bütün dövlətlərlə, xalqlarla əlaqələrin dərinləşdirilməsi, onların arasında birliyin, həmrəyliyin gücləndirilməsi.

Bu gün İlham Əliyevin rəhbərlik etdiyi Azərbaycan məhz Heydər Əliyevin uzaqgörənliyi və irsi sayəsində dinamik, analoqu olmayan iqtisadi inkişaf göstəricilərinə malikdir. Prezident İlham Əliyevin apardığı davamlı demokratik və iqtisadi islahatlar, onun müdrik rəhbərliyi, ağıllı idarəetmə və fəal xarici siyasəti Azərbaycanı regionun öncül dövlətinə, beynəlxalq əlaqələrdə etibarlı tərəfdaşa çevirib. Bu gün Azərbaycan bütün regional proseslərdə mühüm rol oynayır. O, inkişafının bəhrələrini, öz sərvətlərini tərəfdaşlıq və əməkdaşlıq mexanizmləri vasitəsilə region ölkələrilə də bölüşür.

Azərbaycanda ümumilli liderinin xatirəsinə təsis edilmiş Heydər Əliyev Fondu da fəaliyyət göstərir. Ona Azərbaycanın birinci xanımı, UNESCO və ISESCO-nun xoşməramlı səfiri Mehriban Əliyeva rəhbərlik edir. Fond milli-mənəvi dəyərlərin qorunması, Azərbaycan mədəniyyətinin tərəqqisi, müxtəlif proqramların və fəaliyyətlərin dəstəklənməsi, müxtəlif sahələrin inkişafı, həmçinin Azərbaycanın dünyada tanıdılması üçün genişmiqyaslı layihələri uğurla həyata keçirir. Məhz bu qurumun dəstəyilə ölkədə çox sayda məscid, abidə və tarixi məkanlar, məktəblər və xəstəxanalar təmir edilib və yenidən qurulub. Heydər Əliyev Fondu Azərbaycanda, həmçinin bir neçə qardaş və dost ölkədə valideyn himayəsindən məhrum uşaqların yaşayışının və təhsilinin yaxşılaşdırılmasında da böyük rol oynayır.

(Ərəb dilindən tərcümə - WorldMedia.Az)

Mənbə: Əl-Cəridə


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az