21.01.2019 06:39
Ana səhifə | Haqqımızda | Bizimlə əlaqə  
    
 
  Son tərcümələr

  Ermənistanla Azərbaycan əhalini sülhə hazırlamaq haqda razılığa gəldi
 
19.01.2019
Eurasianet.org, ABŞ
 

  “Qara yanvar”ın Azərbaycan tarixindəki önəmi
 
19.01.2019
BRASÍLIA IN FOCO, Braziliya
 

  Nikol Paşinyanın Qarabağ fiaskosu: “Finita la commedia”
 
19.01.2019
1in.am, Ermənistan
 

  “Qara yanvar”: Azərbaycanın azadlıq uğrunda verdiyi qurbanlar
 
18.01.2019
Əl-Fəcr, Misir
 

  Azərbaycan üçün ABŞ hələ də mayak olaraq qalır
 
17.01.2019
TIMES of SAN DIEGO, ABŞ
 

 
 
“Azərbaycan genişmiqyaslı döyüş əməliyyatlarına tam hazırdır”

 
 



Anadolu Ajansı, Türkiyə
15.05.2018


Müəllif: Ruslan Rəhimov

Azərbaycanın müdafiə naziri Zakir Həsənov ölkəsilə bağlı ittiham dolu bəyanatlar verən Ermənistan rəhbərliyinə xəbərdarlıq edib: “Azərbaycan ordusu genişmiqyaslı döyüş əməliyyatlarına tam hazırdır!”.

Azərbaycanın Müdafiə Nazirliyində yüksək rütbəli rəsmilərin və qoşun növləri komandanlarının iştiraki ilə xidməti müşavirə keçirilib.

Nazirlikdən verilən məlumata görə, müdafiə naziri Zakir Həsənov müşavirədəki çıxışı zamanı Ermənistanda baş vermiş hakimiyyət dəyişikliyindən sonra bu ölkənin müxtəlif rəsmilərinin, o cümlədən yeni baş nazir Nikol Paşinyanın Dağlıq Qarabağ münaqişəilə bağlı məsuliyyətsiz çıxışlarına münasibət bildirib. “Ermənistanın rəhbərliyinə xəbərdarlıq edirik. Düşmənin belə hərəkətləri qəbuledilməzdir və Azərbaycan Ordusu genişmiqyaslı döyüş əməliyyatlarına tam hazırdır!”, - deyə nazir bildirib.

Bununla yanaşı, Zakir Həsənov Ermənistan ordusunun istər ön xətdə, istərsə də müdafiə xəttinin dərinliyindəki fəaliyyətinin daim nəzarətdə saxlanılması, ehtimal edilən addımlara hər an hazır olunması, eləcə də onun mümkün təxribatlarının qarşısını dərhal alınmaı məqsədilə qətiyyətli tədbirlərin görülməsi haqda əmr də verib.

Nazir prezident İlham Əliyevin sərəncamı əsasında Azərbaycan Silahlı Qüvvələrin yaradılmasının 100 illik yubileyi ilə bağlı iyunun 26-da keçiriləcək təntənəli tədbirlər haqda da məlumat verib.

Xatırladaq ki, Ermənistan yeni baş naziri Paşinyan bu vəzifəni tutduqdan sonra ilk səfərini Ermənistanın işğal etdiyi Azərbaycan ərazisinə – Dağlıq Qarabağa edib. Paşinyan orada keçirdiyi mətbuat konfransında Azərbaycana qarşı bir sıra ittiamlar səsləndirib.

(Türk dilindən tərcümə - WorldMedia.Az)

Mənbə: Anadolu Ajansı


 


          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az