25.05.2019 17:08
Ana səhifə | Haqqımızda | Bizimlə əlaqə  
    
 
  Son tərcümələr

  Avropa Liqasının finalı: “Çelsi” - “Arsenal”
 
24.05.2019
RTBF.be, Belçika
 

  Qafqazda müharibə və tərəqqi
 
24.05.2019
24 Horas, Meksika
 

  FOTOREPORTAJ| Bakı: Avropa Liqasının finalı zamanı qalmalı, yeyib-içməli, şopinq etməli məkanlar
 
24.05.2019
INDEPENDENT, Böyük Britaniya
 

  Yay tətili üçün möhtəşəm Bakı çimərlikləri - FOTO
 
24.05.2019
Newsparsi, İran
 

  Mxitaryan Azərbaycanda niyə oynamayacaq?
 
23.05.2019
BESOCCER, İspaniya
 

 
 
İlham Əliyev Azərbaycanın nəqliyyat və logistika mərkəzinə çevriləcəyini deyir

 
 



Xinhua, Çin
15.05.2018


Azərbaycan prezidenti İlham Əliyev bildirib ki, ölkəsi “Şimal-Cənub” nəqliyyat dəhlizinin yaradılması ilə məşğuldur və yaxın bir neçə il ərzində bu dəmir yolu tam istifadəyə veriləcək.

“Beləliklə, Avrasiya məkanında açıq dənizlərə çıxışı olmayan Azərbaycan nəqliyyat və logistika mərkəzinə çevriləcək. “Şimal-Cənub” nəqliyyat dəhlizinin tam başa çatması üçün biz əlavə vəsait ayırdıq və əminəm ki, yaxın bir neçə il ərzində bu dəmir yolu tam istifadəyə veriləcək”, - deyə Azərbaycan prezidenti Bakı Beynəlxalq Dəniz Ticarət Limanı Kompleksinin açılış mərasimində bildirib.

“Şimal-Cənub” beynəlxalq nəqliyyat dəhlizinin uzunluğu 7200 kilometrdir. O, dəniz, dəmir və avtomobil yolları ilə Hindistan, İran, Azərbaycan və Rusiyanı birləşdirəcək. “Şimal-Cənub” layihəsi Şimali Avropayla Cənub-Şərqi Asiyanı birləşdirmək məqsədilə reallaşdırılır. Yeni dəhliz Suveyş kanalı, Aralıq dənizi və Baltik dənizi kimi ənənəvi dəniz yollarına alternativ olacaq.

“Şimal-Cənub” nəqliyyat dəhlizi vasitəsilə ilkin olaraq illik 5 milyon ton yük daşınması nəzərdə tutulub. Gələcəkdə bu, 10 milyon tonu ötəcək.

İ.Əliyev qeyd edib ki, “hazırda “Cənub-Qərb” nəqliyyat dəhlizinin işə salınması ilə də məşğuluq. Bu da çox önəmli nəqliyyat dəhlizidir və mənə verilən məlumata görə, bu yolla birinci sınaq qatarı hərəkət edib”.

Dövlət başçısının sözlərinə görə, “Şərq-Qərb”, “Şimal-Cənub” və “Cənub-Qərb” nəqliyyat dəhlizləri Azərbaycanla digər ölkələr arasındakı əməkdaşlığı gücləndirəcək.  Bununla da açıq dənizlərə çıxışı olmayan Azərbaycan nəqliyyat və logistika mərkəzinə çevriləcək.

(İngilis dilindən tərcümə - WorldMedia.Az)

Mənbə: Xinhua


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az