25.05.2019 17:09
Ana səhifə | Haqqımızda | Bizimlə əlaqə  
    
 
  Son tərcümələr

  Avropa Liqasının finalı: “Çelsi” - “Arsenal”
 
24.05.2019
RTBF.be, Belçika
 

  Qafqazda müharibə və tərəqqi
 
24.05.2019
24 Horas, Meksika
 

  FOTOREPORTAJ| Bakı: Avropa Liqasının finalı zamanı qalmalı, yeyib-içməli, şopinq etməli məkanlar
 
24.05.2019
INDEPENDENT, Böyük Britaniya
 

  Yay tətili üçün möhtəşəm Bakı çimərlikləri - FOTO
 
24.05.2019
Newsparsi, İran
 

  Mxitaryan Azərbaycanda niyə oynamayacaq?
 
23.05.2019
BESOCCER, İspaniya
 

 
 
“Ermənistan Suriya xalqından Dağlıq Qarabağda vəziyyəti mürəkkəbləşdirmək üçün istifadə edir”

 
 



Sputnik, Türkiyə
16.05.2018


Brüsseldə etnik və dini zorakılığın qurbanları mövzusunda təşkil olunmuş beynəlxalq konfransda çıxış edən Azərbaycanın xarici işlər naziri Elmar Məmmədyarov Ermənistanın Suriya xalqından Dağlıq Qarabağda vəziyyəti daha da mürəkkəbləşdirmək üçün istifadə etdiyini söyləyib. O, bunun ciddi narahatlıq yaratdığını və qəbuledilməz olduğunu bildirib.

Azərbaycanın xarici işlər naziri Elmar Məmmədyarov Ermənistanın Suriya ermənilərini işğal altındakı Azərbaycan torpaqlarına köçmələri üçün təşviq etdiyini deyib. “Suriyada vəziyyətin pisləşməsilə, Ermənistan bu ölkədə yaşayan erməniləri Azərbaycanın işğal altındakı ərazilərinə köçməyə təşviq edir. Müxtəlif hesabatlara əsasən, artıq yüzlərlə Suriya ermənisi işğal olunmuş Azərbaycan ərazilərində məkunlaşdırılıb”, - deyə nazir qeyd edib.

“Məqsəd ərazilərimizin ilhaqıdır”

E.Məmmədyarov hesab edir ki, bu köçürmə siyasətinin arxasında azərbaycanlı məcburi köçkünlərin öz doğma torpaqlarına qayıtmasının əngəllənməsi, həmin ərazilərin ilhaqı durur. Nazir bunu 4-cü Cenevrə Konvensiyasının və onun əlavə protokollarının ciddi şəkildə pozulması kimi qiymətləndirib.

“Beynəlxalq ictimaiyyətin diqqəti Suriya böhranından çıxış yollarının axtarışına yönəlib. Halbuki, bu ölkə əhalisinin problemlərindən başqa bir bölgədə sülh səylərini əngəlləmək, vəziyyəti mürəkkəbləşdirmək üçün istifadə olunması da son dərəcə narahatlıq yaradan haldır. Bu, tamamilə qəbuledilməz və yolverilməzdir!”, - deyə Məmmədyarov bildirib.

Nazir deyib ki, ümumiyyətlə, erməni əsgərlərinin işğal altındakı Azərbaycan torpaqlarında qalması məcburi köçkünlərin hüquqlarının bərpasını, evlərini tərk etmiş insanların problemlərinin həllini çətinləşdirir.

(Türk dilindən tərcümə - WorldMedia.Az)

Mənbə: Sputnik


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az