26.06.2019 10:01
Ana səhifə | Haqqımızda | Bizimlə əlaqə  
    
 
  Son tərcümələr

  Qlobal enerji təhlükəsizliyinin gücləndirilməsi
 
25.06.2019
The Washington Times, ABŞ
 

  “Qafqazın incisi”nin sehrinə şahid - Azərbaycandan reportaj
 
25.06.2019
SABQ, Səudiyyə Ərəbistanı
 

  Çin Ermənistan-Azərbaycan münaqişəsinin həllində vasitəçi ola bilərmi?
 
24.06.2019
THE DIPLOMAT, Yaponiya
 

  Azərbaycan-ABŞ əlaqələrinə baxış
 
20.06.2019
TasnimNews, İran
 

  “Bursagaz” və “Kayserigaz” “SOCAR Türkiyə”yə satıldı
 
19.06.2019
DHA, Türkiyə
 

 
 
Qara Qarayevin 100 illik yubileyi

 
 



ItARTBag, Fransa
08.06.2018


Azərbaycan Dövlət Kamera Orkestri 2018-ci il mayın 14-də UNESCO-nun Parisdə yerləşən iqamətgahında böyük Azərbaycan bəstəkarı Qara Qarayevin anadan olmasının 100-cü ildönümü münasibətilə möhtəşəm konsert proqramı ilə çıxış edib.

Konsert səhnədəki böyük ekranda video və foto nümayişi ilə müşayiət olunub. Konsert salonunun foyesində isə bəstəkarın şəkillərindən və əlyazmalarının surətlərindən ibarət sərgi təşkil olunub.

Konsert Almaniyanın Köln Ali Musiqi Məktəbinin məzunu, dirijor Fuad İbrahimovun rəhbərliyilə keçib. F.İbrahimov 2014-cü ildən Azərbaycan Dövlət Simfonik Orkestrinin rəhbəri, Yeni Münhen Filarmoniya Orkestrinin və Bakı Kamera Orkestrinin dirijorudur. O, dünyanın bir çox ölkəsində çıxış edib. 2013-cü ildə Fuad İbrahimov Azərbaycan prezidenti tərəfindən Prezident mükafatına layiq görülüb.

Konsert proqramında xalq və klassik musiqi ifaçıları tərəfindən balet üçün musiqi, simfonik və kamera musiqisi, filmlər üçün mahnılar və s. səsləndirilib.

Qara Qarayev

Qara Qarayev (1918-ci il fevralın 5-də Bakıda anadan olub, 1982-ci il mayın 13-də Moskvada vəfat edib), yaradıcılığı bütün musiqi janrlarını əhatə edən görkəmli Azərbaycan bəstəkarıdır. Onun ifadəli, emosional və romantik üslubu xalq musiqisinin prinsiplərilə sıx bağlıdır. Qarayev yenilikçi bir ustad kimi, qədim milli musiqi irsinin ənənəvi klassik və müasir musiqi formaları ilə harmoniyası əsasında çoxsaylı monumental əsər yaradıb. Ömrünü musiqi sənətinə həsr edərək bir çox mütərəqqi müasir şah əsər bəstələmiş Qarayev Azərbaycan musiqisini caz kimi digər müasir musiqi janrlarından bəhrələnməyə ruhlandırıb.

Dövlət Konservatoriyasında müəllim kimi də çalışmış Qara Qarayev bir sıra tanınmış Azərbaycan musiqiçisi və bəstəkarının yetişməsində böyük rol oynayıb. Onun tələbələri arasında Rauf Hacıyevin, Arif Məlikovun, Xəyyam Mirzəzadənin, Vasif Adıgözəlovun, Tofiq Bakıxanovun, Firəngiz Əlizadənin (UNESCO-nun sülh artisti) adlarını çəkmək olar.

Qarayev özündə görkəmli bəstəkar, ictimai fəal, istedadlı müəllim, yazıçı və tədqiqatçı rollarını ustalıqla birləşdirmişdi. Onun həyat, insan və zaman haqqında dərin fəlsəfi düşüncələri əks etdirən əsərləri insanı mənən təkmilləşməyə çağırır.

(Fransız dilindən tərcümə - WorldMedia.Az)

Mənbə: ItARTBag


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az