21.01.2019 06:33
Ana səhifə | Haqqımızda | Bizimlə əlaqə  
    
 
  Son tərcümələr

  Ermənistanla Azərbaycan əhalini sülhə hazırlamaq haqda razılığa gəldi
 
19.01.2019
Eurasianet.org, ABŞ
 

  “Qara yanvar”ın Azərbaycan tarixindəki önəmi
 
19.01.2019
BRASÍLIA IN FOCO, Braziliya
 

  Nikol Paşinyanın Qarabağ fiaskosu: “Finita la commedia”
 
19.01.2019
1in.am, Ermənistan
 

  “Qara yanvar”: Azərbaycanın azadlıq uğrunda verdiyi qurbanlar
 
18.01.2019
Əl-Fəcr, Misir
 

  Azərbaycan üçün ABŞ hələ də mayak olaraq qalır
 
17.01.2019
TIMES of SAN DIEGO, ABŞ
 

 
 
Bakı Naxçıvanda 11 min hektar ərazini nəzarətə götürdü

 
 



IRNA, İran
12.06.2018


Azərbaycan Silahlı Qüvvələrinin Naxçıvanda yerləşən Ümumqoşun Birləşmələri Komandanlığından verilən məlumata görə, Azərbaycan ordusu hərbi əməliyyat nəticəsində Naxçıvanın Ermənistanla sərhəddə yerləşən 11 min hektarlıq ərazisini öz nəzarətinə alıb.

Komandanlığın mətbuat xidmətinin açıqlamasında deyilir: “Azərbaycan Ordusunun birləşmələri mayın sonunda keçirdiyi hərbi əməliyyat nəticəsində Naxçıvanın Şərur rayonunun 1992-ci ildə Ermənistan silahlı qüvvələri tərəfindən işğal olunmuş Günnüt, Arpa, Dərələyiz kəndlərini öz nəzarətinə qaytarıb”.

Məlumata görə, Azərbaycan Ordusu həmçinin Günnüt kəndi yaxınlığında Ağ Bulaq, Qızıl Qaya və Mehri Dağ da daxil olmaqla, bir sıra strateji yüksəklikləri də ələ keçirib.

Azərbaycan hərbçilərinin bu ərazilərə necə daxil olduğu açıqlanmasa da, ümumilikdə 11 min hektar ərazinin, o cümlədən 8 hektar əkinə yararlı torpağın Azərbaycan ordusunun nəzarətinə keçdiyi vurğulanır.

Nəticədə Naxçıvanın Günnüt kəndinin əhalisi 26 il sonra, iyunun 7-də öz kəndinə qayıdıb.

Qeyd edək ki, Ermənistan-Azərbaycan, Dağlıq Qarabağ münaqişəsi 1988-ci ildə başlayıb və 1992-ci ildə hərbi toqquşmalara çevrilib. 1994-cü ildə tərəflər arasında atəşkəs müqaviləsi imzalanıb. Bunadək isə Azərbaycanın Dağlıq Qarabağ bölgəsi və ətraf 7 rayonu Ermənistan qüvvələri tərəfindən işğal olunub.

Naxçıvan Muxtar Respublikası İran, Türkiyə və Ermənistanla həmsərhəddir. Ərazisi 5,502 min kvadrat kilometr, əhalisi 700 000 nəfərə yaxın olan Naxçıvan Azərbaycan Respublikasının tərkibində muxtar respublikadır.

Dağlıq Qarabağ münaqişəsi nəticəsində Naxçıvanın Azərbaycanla quru əlaqəsi kəsilib. Hazırda bu əlaqə İran vasitəsilə təmin olunur.

(Fars dilindən tərcümə - WorldMedia.Az)

Mənbə: IRNA


 


          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az