18.03.2019 19:42
Ana səhifə | Haqqımızda | Bizimlə əlaqə  
    
 
  Son tərcümələr

  Gürcüstan prezidenti Cənubi Qafqazda balansı dəyişdi
 
15.03.2019
Kommersant, Rusiya
 

  Essyenin yeni ünvanı Azərbaycandır
 
15.03.2019
Milliyet, Türkiyə
 

  Pakayin: “Tehranla Bakı strateji əlaqələr haqda düşünür”
 
15.03.2019
ISNA, İran
 

  Belarusun Azərbaycana satdığı “Polonez” tipli komplekslər Ermənistanın hər nöqtəsini vurmağa qadirdir
 
14.03.2019
168hours, Ermənistan
 

  Əhalisinin əksəriyyəti müsəlman olan Azərbaycan yevangelist liderlərə qucaq açdı - VİDEO
 
12.03.2019
CBN NEWS, ABŞ
 

 
 
THY Azərbaycanın “Neftçi” futbol klubunun sponsoru oldu

 
 



Anadolu Ajansı, Türkiyə
10.07.2018


“Türk Hava Yolları” (THY) Azərbaycanın “Neftçi” futbol klubu ilə əməkdaşlıq müqaviləsi imzalayıb.

Bakı Olimpiya Stadionunda təşkil olunmuş tədbirdə THY Bakı ofisinin rəhbəri Seyfulla İlyas, “Neftçi” futbol klubunun prezidenti Kamran Quliyev, futbolçular və mətbuat nümayəndələri iştirak ediblər.

“Neftçi” PFK-nın prezidenti Kamran Quliyev əvvəlcə Türkiyə-Azərbaycan əlaqələrindən danışıb, “bir millət iki dövlət” anlayışına əsaslanan bu qardaşlığın əbədi olduğunu bildirib.

Müqavilənin iki dövlət arasında idman sahəsindəki münasibətlərin inkişafına töhfə verəcəyini deyən Quliyev fikrini belə davam etdirib: “Bu layihədən həm biz, həm də “Türk Hava Yolları” faydalanacaq. Türkiyənin 1 nömrəli markası Azərbaycanın 1 nömrəli futbol komandası ilə əməkdaşlıq edir. Bununla fəxr edirik”.

THY Bakı ofisinin rəhbəri Seyfulla İlyas isə şirkət olaraq, iki qardaş ölkə arasındakı sıx münasibətləri hər zaman dəstəklədiklərini söyləyib.

İmzalanan müqavilənin Türkiyə ilə Azərbaycan arasındakı dostluğun bariz nümunəsi olduğunu vurğulayan İlyas deyib: “Azərbaycan “Türk Hava Yolları” üçün sadəcə, təyinat nöqtəsi deyil. Biz ölkəmizə qarşı hiss etdiyimiz məsuliyyətin eynisini qardaş Azərbaycan üçün də hiss edirik. Azərbaycanda idmanın gələcəyinə bütün qəlbimizlə inanırıq”.

1 illik anlaşmaya əsasən, “Neftçi”nin futbolçuları məşqlərə sinəsində “Türk Hava Yolları” loqosunun yer aldığı forma ilə çıxacaq, bütün rəqəmsal kanallar isə THY haqda məlumatları yayımlayacaq. Bundan başqa, THY-nin loqosu reklam banerləri, biletlər və dəvətnamələrin üzərinə də həkk olunacaq.

“Neftçi” klubunun bazası bu 1 ildə “THY Futbol Mərkəzi” adlanacaq.

1937-ci ildə yaradılmış “Neftçi” 1991-ci ilədək SSRİ Futbol Liqasında Azərbaycanı təmsil edib. 1992-ci ildən o, Azərbaycanın öz peşəkar liqasında çıxış edir. Bu dövrdə klub 8 dəfə ölkə çempionu olub.

(Türk dilindən tərcümə - WorldMedia.Az)

Mənbə: Anadolu Ajansı


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az