18.11.2018 17:13
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağ: Bakı Parisi ikili standartlarda ittiham edir
 
16.11.2018
Sputnik France, Fransa
 

  Bolqarıstan qaza olan təlabatının 30%-ni Azərbaycanın hesabına ödəməyi düşünür
 
15.11.2018
SINOPECNEWS, Çin
 

  Sevinc Fətəliyeva: “Azərbaycan qadınının siyasi fəaliyyətinin 100 illik tarixi var” - MÜSAHİBƏ
 
15.11.2018
The London Post, Böyük Britaniya
 

  Çinlə Azərbaycan ticarət əlaqələrini daha da gücləndirəcək - MÜSAHİBƏ
 
14.11.2018
GLOBAL TIMES, Çin
 

  Ermənistan üçün çevrə daralır
 
14.11.2018
Yeni Şafak, Türkiyə
 

 
 
Avropa Liqasının püşkü: Delarj və “Qarabağ” çətin “E” qrupunda

 
 



ADIAC-CONGO, Konqo
05.09.2018


Müəllif: Kamil Dölurm

UEFA Avropa Liqasının 2019-cu il mövsümünün püşkü Con Delarjlı “Qarabağ” üçün heç də ürəkaçan olmayıb. “E” qrupunda mübarizə aparacaq Azərbaycan çempionunun bəxtinə İngiltərənin “Arsenal”, Portuqaliyanın “Sportinq” və Ukraynanın “Vorskla Poltava” klubları düşüb.

Azərbaycan klubu turnirə sentyabrın 20-də Lissabon səfərilə başlayacaq. Doğrudur, “Sportinq” son dövrlərdə üzləşmədiyi dərin böhrandan çıxıb. Lakin klubun əsas heyətinin bir neçə üzvü (Rui Patrisiom, Vilyam Karvalyo və Gelson Martins) azarkeşlərlə münaqişə üzündən komandadan ayrılıb. Bu il Portuqaliya təmsilçisi heyətindəki Nani, Jeremi Matyö və hollandiyalı hücumçusu Bas Dost (2016-cı ildə kluba gəldikdən sonra 71 matçda 66 qol vurub) kimi futbolçuların təcrübəsinə arxalana bilər.

“Sportinq” milli çempionatda arxada qalmış 3 turdan sonra 3-cü pillədə qərarlaşıb. Onun “Qarabağ”la cavab qarşılaşması noyabrın 29-da keçiriləcək.

Daha sonra “Qarabağ” oktyabrın 4-də “Arsenal”ı qəbul edəcək. Əfsanəvi Arsen Vengerin gedişindən və Unay Emerinin komandanın sükanı arxasına keçməsindən sonra londonlular mövsümə uğursuz başlayıb. Komanda Premyer Liqada 3 turda cəmi 3 xal toplayıb. Bununla belə, Obameyanq, Lakazet, Özil, Mxitaryan və Çex kimi oyunçuları olan komandanın mübarizəni qrup mərhələsində dayandıracağı inandırıcı görünmür. Bununla yanaşı, Delarj və komanda yoldaşları növbəti mərhələyə yüksəlmək şansını dekabrın 13-də Londonun “Emireyts” stadionunda keçiriləcək matça saxlamamaq üçün, ilk növbədə, “Arsenal”dan öz meydanında xal almağa çalışmalıdırlar.

Qalır qrupun sirli komandası “Vorskla Poltava”. Ukraynalılar 2018-ci ildə milli çempionatda üçüncü olmaqla, avrokuboklara vəsiqə qazanıb. Tarixində Avropa səviyyəli turnirlərdə ikinci dəfə çıxış edəcək komandanın heyəti demək olar ki, yerli futbolçulardan təşkil olunub.

“Vorskla” ilə qarşılaşmalar (oktyabrın 25-də Bakıda və noyabrın 8-də Poltavada) “Qarabağ” üçün həlledici də ola bilər. Ukraynalıları aşağılamaq istəmirik, amma Con Delarjın komandası bu rəqiblə qarşılaşmalarda mümkün olan bütün xalları qazanmasa, bu, yarışdan çıxa bilər.

Con Delarj : “Doğrudur, püşkün nəticəsi çətin oldu. Biz qrupun autsayderi hesab olunuruq. Amma bu, mənə “Osmanlıspor”un formasını geydiyim dövrü xatırladır. O zaman “Villareal”, “Styaua” və “Sürix”lə eyni qrupa düşmüşdük. Buna baxmayaraq, böyük sürpriz edərək, qrup birincisi olmağı bacarmışdıq. Bəli, əvvəldən heç nə demək olmaz. Şansımızdan maksimum istifadə etməliyik. Mən autsayder mövqeyini sevirəm”.

(Fransız dilindən tərcümə - WorldMedia.Az)

Mənbə: ADIAC-CONGO


 


          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az