12.12.2018 03:43
Ana səhifə | Haqqımızda | Bizimlə əlaqə  
    
 
  Son tərcümələr

  1919-cu ilin yanvarı, Paris Konfransı. Azərbaycan nümayəndələri bir daha vətənə qayıtmadı
 
11.12.2018
Eurolatio, Fransa
 

  Azərbaycanda ən qədim masaüstü oyunlardan biri aşkar olunub
 
11.12.2018
QUARTZ, ABŞ
 

  Azərbaycan xalqı ümummilli liderinin xatirəsini yad edir
 
11.12.2018
Zeitung.ch, İsveçrə
 

  Seneqallı müdafiəçi Pap Mamadu Mbodj Azərbaycanda
 
11.12.2018
APS, Seneqal
 

  Tarixi lider, müasir Azərbaycan intibahının banisi Heydər Əliyevin vəfatından 15 il ötür
 
10.12.2018
Əl-Vatan, Misir
 

 
 
Dünya ermənilərin Azərbaycana qarşı işğalçılıq siyasətinə göz yumur

 
 



Şəbəb əl-Nil, Misir
10.10.2018


Müəllif: Cavid Şahverdiyev

Ermənistan Azərbaycanın Dağlıq Qarabağ bölgəsini düz 30 il əvvəl beynəlxalq qanunlara zidd olaraq, uydurma iddialarla işğal edib. 1992-ci ildə muzdlu erməni silahlıları Dağlıq Qarabağ regionunu qəsb edib, oranın sakinlərinə qarşı planlı şəkildə amansız qətliam törədib.

Əmin-amanlığa, ləyaqətli həyata can atan bu bölgənin tarixində qara səhifələr də o andan başlayıb. Dağlıq Qarabağın rayonlarından olan Xocalıda da silahsız mülki sakinlər ən qəddar qırğına, soyğunçuluğa və talana məruz qalıb. İnsanların humanitar, beynəlxalq hüquqları pozulub, yüzlərlə insan şəhid edilib. Bir sözlə, şəhərdə cinayətkar qruplaşmalar sakinlərə qarşı misli görünməmiş düşmənçilik edib. İnsanlar diri-diri yandırılıb, gözləri çıxarılıb, dərilər soyulub, hətta hamilə qadınların qarnı yarılıb.

Bitərəf jurnalist araşdırmalarında aydın şəkildə qeyd olunur ki, hadisə nəticəsində 106-dan çox qadın, 63 uşaq və 70 qoca öldürülüb, yüzlərlə insan itkin düşüb. Bundan başqa, bu zaman Azərbaycan iqtisadiyyatına on milyonlarla dollar ziyan dəyib.

Nəhayət, 1994-cü il mayın 12-də tərəflər arasında atəşkəs sazişi imzalanıb. Amma Ermənistan tərəfi razılaşmanı bu gün də pozmaqdadır. Qarabağ sakinlərinin qətli, onrala qarşı soyğunçuluq bu gün də davam edir. Başqa sözlə, bütün bunların fonunda susqunluq nümayiş etdirən dünyanın gözü qarşısında təcavüz, qanun pozuntusu və s. səngimir.

Biz Ermənistandan işğal etdiyi torpaqların – Dağlıq Qarabağ və ona bitişik 7 rayonun qeyd-şərtsiz azad olunmasını tələb edirik. BMT və digər beynəlxalq təşkilatlardan tələb edirik ki, yaşamaq istəyən xalqın probleminin həllinə səy göstərsin, Ermənistan tərəfini Azərbaycanın suverenliyinə təcavüzü dayandırmağa məcbur etsin.

(Ərəb dilindən tərcümə - WorldMedia.Az)

Mənbə: Şəbəb əl-Nil


 


          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az