18.04.2019 22:22
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycan prezidenti deyir ki, “Bir kəmər-bir yol” təşəbbüsü regional sabitlik üçün vacibdir
 
18.04.2019
Xinhua, Çin
 

  Moskva Qarabağ prosesində liderliyini göstərdi: Lavrov niyə fəallaşıb?
 
18.04.2019
1in.am, Ermənistan
 

  Bakı ilə Yerevan Qarabağ danışıqlarını davam etdirməklə bağlı razılığa gəlib
 
17.04.2019
IRNA, İran
 

  Ermənistanla Azərbaycan sülh danışıqlarını davam etdirir
 
17.04.2019
Nouvelles d’ARMÉNIE, Fransa
 

  Dağlıq Qarabağ münaqişəsinin həllində Avropanın liderliyinə ehtiyac var
 
17.04.2019
Eurasia Review, ABŞ
 

 
 
Azərbaycan-İran birgə avtomobil zavodunun məhsulları Rusiyaya ixrac olunacaq

 
 



Eghtesadnews, İran
23.10.2018


Azərbaycanın iqtisadiyyat nazirinin müavini: “Azərbaycan-İran birgə avtomobil zavodunun məhsullarının Rusiya və Gürcüstana ixracı ilə bağlı danışıqlar davam edir”.

“Eqtesadnews” xəbər verir ki, Azərbaycanın iqtisadiyyat nazirinin müavini Niyazi Səfərov Bakı şəhərindən 168 kilometr cənubda yerləşən Neftçala şəhərindəki sənaye zonasında istehsal olunan minik avtomobillərinin Rusiya və Gürcüstan bazarlarına ixrac imkanlarının araşdırıldığını bildirib. “Bu birgə zavodun işə salınmasında məqsəd Azərbaycanın daxili tələbatını təmin etməklə yanaşı, zavodun bir sıra məhsullarını xaricə ixrac etməkdir”,- deyə o, qeyd edib.

Səfərovun sözlərinə görə, İranın “İran Khodro” və Azərbaycanın “Azərmaş” şirkətlərinin birgə istehsalı olan avtomobillər bu yaxınlarda Moskva təşkil edilmiş beynəlxalq sərgisində nümayiş olunub. Bu, xarici tərəfdaşlar üçün kifayət qədər gözlənilməz olub.

“Neftçala Sənaye Zonasında fəaliyyət göstərən avtomobil zavodunda minik avtomobillərinin istehsalı Azərbaycanda sənaye sahəsində görülmüş işlərin nəticəsidir”, - deyə nazir müavini bildirib.

Qeyd edək ki, Azərbaycan-İran birgə avtomobil zavodunun avtomobilləri ayrı-ayrı şəxslərlə yanaşı, Azərbaycanın dövlət orqanları tərəfindən də alınır. Məsələn, Azərbaycan Respublikası Dini Qurumlarla İş üzrə Dövlət Komitəsi 22 belə avtomobil alıb.

“İran Khodro” ilə “Azarmaş” tərəfindən birgə avtomobil zavodunun yaradılmasına dair saziş 2016-cı ilin avqustunda imzalanıb. Birgə layihənin ilkin dəyəri 24 milyon manatdır. Zavodun maksimal istehsal gücü ildə 10 min avtomobil təşkil edir.

Birgə avtomobil zavodu İran İslam Respublikasının prezidenti Həsən Ruhaninin Bakıya bu ilin martında etdiyi rəsmi səfər zamanı istismara verilib.

(Fars dilindən tərcümə - WorldMedia.Az)

Mənbə: Eghtesadnews


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az