18.04.2019 22:21
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycan prezidenti deyir ki, “Bir kəmər-bir yol” təşəbbüsü regional sabitlik üçün vacibdir
 
18.04.2019
Xinhua, Çin
 

  Moskva Qarabağ prosesində liderliyini göstərdi: Lavrov niyə fəallaşıb?
 
18.04.2019
1in.am, Ermənistan
 

  Bakı ilə Yerevan Qarabağ danışıqlarını davam etdirməklə bağlı razılığa gəlib
 
17.04.2019
IRNA, İran
 

  Ermənistanla Azərbaycan sülh danışıqlarını davam etdirir
 
17.04.2019
Nouvelles d’ARMÉNIE, Fransa
 

  Dağlıq Qarabağ münaqişəsinin həllində Avropanın liderliyinə ehtiyac var
 
17.04.2019
Eurasia Review, ABŞ
 

 
 
Azərbaycan XİN-i: “Sent-Etyen merinin adı arzuolunmaz şəxslər siyahısına salınıb”

 
 



Nouvelles d’ARMÉNIE, Fransa
24.10.2018


Müəllif: Stefan

Azərbaycan Fransanın Sent-Etyen şəhəri merinin Dağlıq Qarabağ bölgəsinə səfərini qətiyyətlə pisləyir. Bunu Azərbaycan Xarici İşlər Nazirliyi bəyan edib.

Nazirliyin bununla bağlı açıqlamasında deyilir: “Fransanın yerli özünüidarəetmə orqanının beynəlxalq hüququn norma və prinsiplərini, Azərbaycan qanunlarını kobud şəkildə pozaraq, eləcə də Fransa milli qanunlarına zidd olaraq atdığı bu addım işğalçı Ermənistanın Azərbaycan ərazilərində yaratdığı qondarma separatçı rejimin təşviqinə xidmət edir. Bu qanunsuz səfərdə Sent-Etyen şəhərinin merini Azərbaycana qarşı qərəzli mövqeyilə seçilən, Fransa erməni lobbisinin təsiri altında olan Fransua Roşbulan müşayiət edib”.

“Fransanın xarici işlər və Avropa üzrə naziri və daxili işlər nazirinin 2018-ci ilin 24 may tarixli yerli özünüidarəetmə orqanlarının xarici fəaliyyətinin hüquqi çərçivəsi üzrə təmimi sənədinə istinad edir və yerli özünüidarəetmə qurumlarına Fransa tərəfindən tanınmamış ərazi vahidlərinin separatçı qurumları ilə hər hansı şəkildə müqavilələr bağlamaq, səfərlər həyata keçirmək və birgə tədbirlər təşkil etməyin qadağan edildiyini xatırladırıq. Bu xüsusda vurğulayırıq ki, qanunsuz səfər çərçivəsində imzalandığı iddia edilən “Dostluq haqqında Bəyannamə” heç bir hüquqi qüvvəyə malik deyil”, - deyə bəyanatda bildirilir.

Beləliklə, Fransa vətəndaşı Qael Perdrio Dağlıq Qarabağ bölgəsinə qanunsuz səfər etdiyindən, onun adı Azərbaycan Respublikasına girişi qadağan edilmiş şəxslərin siyahısına salınacaq.

(Fransız dilindən tərcümə - WorldMedia.Az)

Mənbə: Nouvelles d’ARMÉNIE


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az