18.04.2019 22:21
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycan prezidenti deyir ki, “Bir kəmər-bir yol” təşəbbüsü regional sabitlik üçün vacibdir
 
18.04.2019
Xinhua, Çin
 

  Moskva Qarabağ prosesində liderliyini göstərdi: Lavrov niyə fəallaşıb?
 
18.04.2019
1in.am, Ermənistan
 

  Bakı ilə Yerevan Qarabağ danışıqlarını davam etdirməklə bağlı razılığa gəlib
 
17.04.2019
IRNA, İran
 

  Ermənistanla Azərbaycan sülh danışıqlarını davam etdirir
 
17.04.2019
Nouvelles d’ARMÉNIE, Fransa
 

  Dağlıq Qarabağ münaqişəsinin həllində Avropanın liderliyinə ehtiyac var
 
17.04.2019
Eurasia Review, ABŞ
 

 
 
Azərbaycan dünyada üçüncü böyük fındıq istehsalçısıdır

 
 



Fruchtnews, Almaniya
29.10.2018


Azərbaycan Fındıq İstehsalçıları və İxracatçıları Assosiasiyasının (AHPEA) məlumatına görə, Azərbaycan dünyanın üçüncü böyük fındıq istehsalçısı və ixracatçısıdır.

Assosiasiyanın nümayəndəsi deyir ki, Azərbaycanda istehsal olunan fındıq dünyanın 25 ölkəsinə, əsasən, İtaliya, Rusiya və Almaniyaya ixrac olunur.

“Xaçmaz bölgəsinin fındığı daha çox Rusiya Federasiyasına, Qəbələ-Oğuz, Qax-Zaqatala və Balakən bölgələrində istehsal olunan fındıq isə Avropa ölkələrinə ixrac edilir”, - deyə məlumatda bildirilir.

İxrac edilən fındığın həcminə gəlincə, Assosiasiyadan deyirlər ki, 2017-ci ilədək Azərbaycan 20 850 ton fındıq ixrac edib. Bu ilin gözləntiləri də ötən illərlə eynidir.

Fındıq istehsalı Azərbaycanın şimal bölgələrinin iqtisadiyyatında əhəmiyyətli rol oynayır. Xaçmaz bölgəsində 8 218 hektar fındıq bağı var. Onun 3 912 hektarından məhsul götürülüb.

Ümumiyyətlə, ötən il Azərbaycanda 18 min hektar sahədə fındıq əkilib. Beləliklə, ölkədə fındıq bağlarının ümumi sahəsi 55 min hektara çatıb. Bu gün məqsəd bu bağların ümümi sahəsini 80 min hektara çatdırmaqdır.

Azərbaycanda Atababa, Əşrəfli, Qalib, Gəncə, Saçaqlı, Topqara və Yağlı kimi fındıq çeşidləri yetişir. Onun Qax, Zaqatala və Balakən bölgələrində, Qafqaz sıra dağlarının ətəklərində çoxlu fındıq plantasiyaları var. Dünyanın ən böyük fındıq alıcısı olan “Ferrero” 2016-cı ildə Azərbaycandan kifayət qədər böyük həcmdə fındıq alıb.

Konkret ötən il Azərbaycanda 45,5 min ton fındıq istehsal edilib ki, bu da 2016-cı ilin göstəricisindən 32,9% faiz çoxdur.

(Alman dilindən tərcümə - WorldMedia.Az)

Mənbə: Fruchtnews


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az