21.01.2019 06:38
Ana səhifə | Haqqımızda | Bizimlə əlaqə  
    
 
  Son tərcümələr

  Ermənistanla Azərbaycan əhalini sülhə hazırlamaq haqda razılığa gəldi
 
19.01.2019
Eurasianet.org, ABŞ
 

  “Qara yanvar”ın Azərbaycan tarixindəki önəmi
 
19.01.2019
BRASÍLIA IN FOCO, Braziliya
 

  Nikol Paşinyanın Qarabağ fiaskosu: “Finita la commedia”
 
19.01.2019
1in.am, Ermənistan
 

  “Qara yanvar”: Azərbaycanın azadlıq uğrunda verdiyi qurbanlar
 
18.01.2019
Əl-Fəcr, Misir
 

  Azərbaycan üçün ABŞ hələ də mayak olaraq qalır
 
17.01.2019
TIMES of SAN DIEGO, ABŞ
 

 
 
İƏT-ə üzv dövlətlərin informasiya agentliklərinin nümayəndə heyəti Azərbaycanda olub

 
 



WEBMANAGERCENTER, Tunis
30.10.2018


İslam Əməkdaşlıq Təşkilatına (İƏT) üzv dövlətlərin informasiya agentliklərinin nümayəndə heyəti oktyabrın 22-dən 27-dək Azərbaycanın paytaxtı Bakı şəhərində səfərdə olub.

Azərbaycanda fəaliyyət göstərən İƏT-ə üzv Dövlətlərin Jurnalistləri Assosiasiyasının koordinatorluğu ilə İslam Ölkələri İnformasiya Agentlikləri İttifaqı (UNA) tərəfindən təşkil olunmuş səfər İttifaqın 2017-ci ilin oktyabrında Ciddədə keçirilmiş Baş Assambleyasının tövsiyəsinə uyğun baş tutub. Baş Assambleya o zaman İƏT-ə üzv dövlətlərin xəbər agentlikləri arasında informasiya və audiovizual dəstək mübadiləsini gücləndirməyin, təlim sahəsində əməkdaşlığı möhkəmləndirməyin vacibliyini vurğulamışdı.

UNA-nın təşkil etdiyi media nümayəndə heyətləri arasında səfər mübadiləsi proqramında ilk addım 2018-ci ilin iyununda Tunisə reallaşıb. İkinci səfərin ev sahibi isə UNA üzvü olan Azərbaycan olub. O, Tunis, Oman Sultanlığı, Bəhreyn, Misir, Səudiyyə Ərəbistanı və Birləşmiş Ərəb Əmirliklərinin xəbər agentliklərinin nümayəndələri üçün bir sıra səfərlər təşkil edib.

Səfərlərdən biri Qarabağ regionunun Azərbaycanın nəzarətində olan hissəsinə, Azərbaycan və Ermənistan silahlıları arasındakı təmas xəttində yerləşən kəndə olub. Xatırldaq ki, bu iki qonşu ölkə Dağlıq Qarabağ uğrunda 4 il fəal müharibə aparıb (1990-1994).

Bundan başqa, nümayəndə heyəti Azərbaycan prezidenti İlham Əliyevin ictimai-siyasi məsələlər üzrə köməkçisi Əli Həsənovla da görüşüb. Görüşdə Həsənov Azərbaycanda müxtəlif sahələrin, xüsusilə infrastruktur, turizm, təhsil və mədəniyyət sahələrinin inkişafı ilə bağlı məlumat verib.

Prezident Administrasiyasının rəsmisi nümayəndə heyətinin üzvlərini əhalisinin əksəriyyətini müsəlmanların təşkil etdiyi bu ölkədə mövcud olan dini vəziyyətlə bağlı da məlumatlandırıb.

Daha sonra nümayəndə heyəti Şəhidlər Xiyabanını ziyarət edib, Heydər Əliyev Mərkəzində olub. Onlar Azərbaycan Mətbuat Şurasında, “İRŞADİslam Araşdırmaları Mərkəzində və AZƏRTAC-da olublar.

(Fransız dilindən tərcümə - WorldMedia.Az)

Mənbə: WEBMANAGERCENTER


 


          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az