18.04.2019 22:20
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycan prezidenti deyir ki, “Bir kəmər-bir yol” təşəbbüsü regional sabitlik üçün vacibdir
 
18.04.2019
Xinhua, Çin
 

  Moskva Qarabağ prosesində liderliyini göstərdi: Lavrov niyə fəallaşıb?
 
18.04.2019
1in.am, Ermənistan
 

  Bakı ilə Yerevan Qarabağ danışıqlarını davam etdirməklə bağlı razılığa gəlib
 
17.04.2019
IRNA, İran
 

  Ermənistanla Azərbaycan sülh danışıqlarını davam etdirir
 
17.04.2019
Nouvelles d’ARMÉNIE, Fransa
 

  Dağlıq Qarabağ münaqişəsinin həllində Avropanın liderliyinə ehtiyac var
 
17.04.2019
Eurasia Review, ABŞ
 

 
 
Ekspert: “Vaşinqton Azərbaycana birbaşa silah satışına başlaya bilər”

 
 



NEWS.am, Ermənistan
31.10.2018


“ABŞ prezidentinin milli təhlükəsizlik məsələləri üzrə köməkçisi Con Boltonun bölgəmizə bu yaxınlarda etdiyi səfər Azərbaycanla münasibətlərin dərinləşdirilməsi yolu ilə İranın təsirinin azaldılmasına hesablanıb”.

Bunu jurnalistlərlə görüşündə Ermənistan Elmlər Akademiyası Şərqşünaslıq İnstitutunun direktoru Ruben Safrastyan deyib.

Ekspert qeyd edib ki, Vaşinqton İranla Azərbaycan arasında tərəfdaşlıq münasibətlərinin olduğunu nəzərə alır. Bu tərəfdaşlıq özünü müxtəlif layihələrin, o cümlədən nəqliyyat layihələrinin reallaşdırılmasında biruzə verir. Safrastyan hesab edir ki, bu baxımdan Xəzər dənizində azad iqtisadi zonanın yaradılması ABŞ üçün vacib layihə ola bilər.

Bütövlükdə bölgəyə səfərin gündəliyinə gəldikdə isə, burada əsas məsələ hazırkı Ağ Ev administrasiyasının Barak Obamanın dönəmində yürüdülmüş siyasəti dəyişmək cəhdidir. O zaman Ermənistan, Azərbaycan və Gürcüstanla münasibətlərə Rusiya ilə münasibətlərin kontekstində yanaşılırdı. “Con Boltonun bəyanatlarında bu müşahidə olunmasa da, Tramp administrasiyasının siyasətində bölgə ölkələrilə münasibətlərin dəyişməsi tendensiyası müşahidə olunur. O cümlədən, “Azadlığa dəstək aktı”na 907-ci əlavənin ləğvi, yəni Azərbaycana silah satışına qoyulmuş qadağanın aradan qaldırılması da mümkündür”, - deyə ekspert qeyd edib: “Çox guman ki, artıq ABŞ region ölkələrilə Rusiyadan ayrı, müstəqil subyekt kimi, o cümlədən Azərbaycana birbaşa silah satışına başlamaq yolu ilə münasibətlər qurmağa çalışacaq”.

Xatırladaq ki, ABŞ prezidentinin milli təhlükəsizlik məsələləri üzrə köməkçisi Con Bolton Cənubi Qafqaz respublikalarına ötən həftə səfər etmişdi.

(Rus dilindən tərcümə - WorldMedia.Az)

Mənbə: NEWS.am


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az