18.11.2018 17:10
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağ: Bakı Parisi ikili standartlarda ittiham edir
 
16.11.2018
Sputnik France, Fransa
 

  Bolqarıstan qaza olan təlabatının 30%-ni Azərbaycanın hesabına ödəməyi düşünür
 
15.11.2018
SINOPECNEWS, Çin
 

  Sevinc Fətəliyeva: “Azərbaycan qadınının siyasi fəaliyyətinin 100 illik tarixi var” - MÜSAHİBƏ
 
15.11.2018
The London Post, Böyük Britaniya
 

  Çinlə Azərbaycan ticarət əlaqələrini daha da gücləndirəcək - MÜSAHİBƏ
 
14.11.2018
GLOBAL TIMES, Çin
 

  Ermənistan üçün çevrə daralır
 
14.11.2018
Yeni Şafak, Türkiyə
 

 
 
Bakı Beynəlxalq Humanitar Forumu: qloballaşmanın müsbət və mənfi tərəfləri - VİDEO

 
 



Euronews, Aİ
01.11.2018


Müəllif: Serxio Kantone

Azərbaycan paytaxtı Bakıda keçirilmiş VI Beynəlxalq Humanitar Forumda innovasiyalar, insan kapitalının inkişafı və inteqrasiya əsas mövzular olub. Forumda qloballaşma və onun modellərinin üzləşdiyi problemlər müzakirə edilib. Beynəlxalq Humanitar Forumun açılışını Azərbaycan prezidenti İlham Əliyev edib.

Bu gün Avropa İttifaqı daxil olmaqla, bütün dünyada dövlətlərarası inteqrasiya prosesinin təhlükədə olduğu görünür.

Elmar Məmmədyarov (Azərbaycanın xarici işlər naziri): “Hesab edirəm ki, Avropa İttifaqı bu gün qarşılaşdığı bütün problemlərin öhdəsindən gəlməyə qadirdir. O, böyük tarixi təcrübəyə malik olan ölkələrin blokudur və düşünürəm ki, onlar böhranlı vəziyyətlərdən çıxış yollarını tapa bilərlər”.

Bakı forumunda Avropa İttifaqının durumu da müzakirə edilib. Məsələ ondadır ki, o, hər zaman qloballaşma, xüsusilə də, insanların azad səyahəti kontekstində dövlətlərarası inteqrasiyanın modeli kimi qəbul olunub. Amma bu gün Avropa İttifaqının mərkəzi ölkələrində belə, yeni divarlar tikilir.

Ettore Rozato (İtaliya Parlamenti sədrinin müavini): “Biz divarları dağıtmalı, qloballaşmanı təkcə iqtisadiyyat və maliyyə sahəsinin deyil, həm də insanların inkişafını təmin edən prosesə çevirməliyik. “Erasmus” proqramından faydalanan gənclər qloballaşmanın müsbət tərəfini görüb. Odur ki, belə proqramlara investisiya qoymalıyıq. Bu, çətin yoldur. Bu yolda bizim lokomotivim Avropa İttifaqıdır”.

Doğrudur, “Erasmus” kimi proqramlar həqiqətən də uğur qazanıb. Amma hər halda, gənclər və tələbələr bir yerdə məskunlaşmazdan əvvəl səyahətə çıxacaq. Bir çoxları hesab edir ki, onlar qloballaşmanın qaliblərinə uduzublar. Rusiyalı ultra-sağçı yazar Aleksandr Duqinin ortaya qoyduğu nəzəriyyə də fərqlidir.

Aleksandr Duqin (rusiyalı filosof): “Yanlış obyekti tənqid edirik. Üstəlik, anlayışlar arasındakı fərqləri səhv göstəririk. Məsələn, deyirik ki, populizm humanizmə təhdiddir. Amma mən bunun əksini düşünürəm. Qlobal elita insanlığı texnokratiya istiqamətləndirməyə çalışır. Bax, budur real təhlükə. İnsanlar buna reaksiya verir”.

Duqin ultra-sağçı siyasətçidir. Bu konfransda iştirak edənlərin əksəriyyəti onun radikal fikirlərini bölüşmür.

Bəs qloballaşmanın ayrılmaz xüsusiyyətləri hansılardır? Bu, təkcə varlı insanların gücü deyil və cəmiyyətdə narazılıq yaradan heç də qloballaşmanın yalnız bu xüsusiyyəti deyil. Qloballaşma insanları mobillik, etnik müxtəliflik və nəhayət, miqrasiya ilə bağlı da narahat edir.

Rikard Sapata (Barselona Pampeu Fabra Universiteti): “Mobillik təkcə müxtəlifliklə nəticələnmir. Bu, həm də çox sayda ölkənin təməlinə, yəni milli xüsusiyyətinə birbaşa hücumdur. Milli xüsusiyyət dövlətlərin legitimliyinin təməl daşlarından biridir. Dövlətlər bu təməl daşları üzərində qurulub. Qloballaşma, müxtəliflik kimi geri dönüşü olmayan prosesdir. Bunu əksər ölkə başa düşmür”.

Bakı Beynəlxalq Humanitar Forumunda innovasiya və texnologiya ilə bağlı məsələlərə də toxunulub. Bu gün onlar dövlətlərdən və insanlardan daha sürətlə inkişaf edir. Odur ki, insanlar arasında süni intellektlə bağlı narahatlıqlar artır. Hətta bəzi tənqidçilər hesab edir ki, gələcəkdə insanları robotlar əvəz edə bilər.

 

(İngilis dilindən tərcümə - WorldMedia.Az)

Mənbə: Euronews


 


          

Saytın materiallarından istifadə zamanı worldmedia.az-a istinad mütləqdir  

© 2016-2018, WorldMedia.az