18.04.2019 22:17
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycan prezidenti deyir ki, “Bir kəmər-bir yol” təşəbbüsü regional sabitlik üçün vacibdir
 
18.04.2019
Xinhua, Çin
 

  Moskva Qarabağ prosesində liderliyini göstərdi: Lavrov niyə fəallaşıb?
 
18.04.2019
1in.am, Ermənistan
 

  Bakı ilə Yerevan Qarabağ danışıqlarını davam etdirməklə bağlı razılığa gəlib
 
17.04.2019
IRNA, İran
 

  Ermənistanla Azərbaycan sülh danışıqlarını davam etdirir
 
17.04.2019
Nouvelles d’ARMÉNIE, Fransa
 

  Dağlıq Qarabağ münaqişəsinin həllində Avropanın liderliyinə ehtiyac var
 
17.04.2019
Eurasia Review, ABŞ
 

 
 
Dağlıq Qarabağ: Bakı Parisi ikili standartlarda ittiham edir

 
 



Sputnik France, Fransa
16.11.2018


Azərbaycan Xarici İşlər Nazirliyi qondarma “Dağlıq Qarabağ Respublikası” rəhbərinin Fransaya səfərindən narazılığını bəyan edib. Nazirliyin bəyanataında deyilir ki, Fransanın bu cür əməlləri Bakını Parislə münasibətlərə yenidən baxmağa vadar edə bilər.

Azərbaycan Xarici İşlər Nazirliyinin qondarma respublikanın rəhbəri Bako Saakyanın Parisə səfərilə bağlı yaydığı bəyanata istinad edən KİV yazır ki, Fransanın Dağlıq Qarabağ münaqişəsilə bağlı ikili standartlara əsaslanan mövqeyi Azərbaycanı bu ölkə ilə əlaqələri yenidən nəzərdən keçirməyə vadar edə bilər.

“Bu səfər üçün əlverişli imkan yaradan Fransa Azərbaycanla əlaqələrinə zərbə vurur, tərəflər arasında imzalanmış sazişlərə uyğun davranmır, eyni zamanda, beynəlxalq hüququn norma və prinsiplərinin aliliyinə, öz üzərinə götürdüyü beynəlxalq öhdəliklərə hörmətsizlik edir”, - deyə bəyanatda bildirilir.

Açıqlamada qeyd olunur ki, Azərbaycan bununla əlaqədar olaraq, Fransa tərəfinə diplomatik kanallarla qəti etirazını bildirəcək. Fransanın ikili standartlara əsaslanan bu davamlı yanaşması Bakını onunla münasibətlərini yenidən nəzərdən keçirməyə vadar edir.

Dağlıq Qarabağ münaqişəsi əsasən ermənilərin məskunlaşdığı muxtar vilayətin Azərbaycan Sovet Sosialist Respublikasından ayrılmaq niyyətini ifadə etməsilə 1988-ci ilin fevralında başlayıb. Nəticədə Dağlıq Qarabağda başlamış döyüşlər nəticəsində təxminən 15 min insan həyatını itirib, 1 milyona yaxın azərbaycanlı öz doğma yurd-yuvasını tərk etmək məcburiyyətində qalıb.

Münaqişənin sülh yolu ilə həllinə çalışan, ABŞ, Rusiya və Fransanın həmsədrlərlik etdiyi ATƏT-in Minsk qrupu 1992-ci ildən tərəflər arasında danışıqlar prosesini təşkil edir. Lakin 2016-cı ildə tərəflər bir-birini yenidən genişmiqyaslı hərbi əməliyyatlara başlamaqda ittiham edib. Həmin il baş vermiş döyüşlər 1994-cü ildə əldə olunmuş atəşkəs razılaşmasından sonra qeydə alınmış ən qanlı toqquşma olub.

(Fransız dilindən tərcümə - WorldMedia.Az)

Mənbə: Sputnik France


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az