19.10.2019 10:53
Ana səhifə | Haqqımızda | Bizimlə əlaqə  
    
 
  Son tərcümələr

  MÜSAHİBƏ| “Heç yana gedən deyilik, Ermənistanla danışıqlar aparmaq lazımdır”
 
18.10.2019
İzvestiya, Rusiya
 

  Avropa Şurası yəhudi irsinin qorunması qərarını Azərbaycanın rəhbərliyilə qəbul etdi
 
16.10.2019
JEWISH JOURNAL, ABŞ
 

  Ermənistana “öz Banderası” nəyə gərəkdir?
 
15.10.2019
ROSBALT, Rusiya
 

  Moskvadan Bakıya riskli təklif
 
15.10.2019
Lragir.am, Ermənistan
 

  MÜSAHİBƏ| Azərbaycanın Fransadakı səfiri Rəhman Mustafayev qondarma dostluq xartiyaları haqda
 
10.10.2019
Turquie News, Fransa
 

 
 
VİDEO| 21-ci əsrin teatrı: körpülər, marionetlər və...

 
 



Euronews, Aİ
19.11.2018


Teatr bu gün və sabah: Azərbaycanın paytaxtında keçirilmiş V Beynəlxalq Teatr Konfransının iştirakçıları bu sənət əsərinin inkişafında qlobal tendensiyaları müzakirə ediblər.

40 ölkəni təmsil edən 130 teatr eksperti “XXI əsrdə teatr fəlsəfəsi” mövzusunu müzakirə etmək üçün Bakıya toplaşıb. Onlar əmindirlər ki, müasir teatrı cəmiyyətin sürətlə dəyişən məzmunundan ayırmaq olmaz.

Qriqori Zaslavski (Rusiya Teatr Sənəti İnstitutunun rektoru): “Gələcəkdə teatrda çalışacaq aktyorlar, rejissorlar yetişdiririk. Hətta Rusiya Teatr Sənəti İnstitutunda gələcək teatrın laboratoriyasını yaratmışıq. Laboratoriyamızı dəstəkləyən Oleq Deripaska bir müddət əvvəl Moskva İncəsənət Teatrında aktyorlara belə sual verdi: “Teatrın gələcəyini necə görürsünüz?”. Bu gün yeni texnologiyalar, videokranlar və sairlə işləyən aktyorlar suala gözlənilmədən belə cavab verdilər: “Teatrın gələcəyi aktyorlarla bağlıdır və zaman keçdikcə aktyorların dəyəri daha da artacaq”.

Azərbaycan Mədəniyyət Nazirliyi, Teatr Xadimləri İttifaqı və s. qurumların səyləri nəticəsində təşkil olunmuş konfransın məntiqi davamı teatr festivalı olub. Bakıda keçirilən bu festivalının mövzusu “Sərhədsiz teatr” idi.

Opera və balet, müasir rəqs, beynəlxalq truppaların eksperimental tamaşaları: izləyicilərin seçimi çox idi. Bu festivalda uşaqların və gənclərin olduğu auditoriya ilə xüsusi dialoq qurulub: gənc izləyicilərə kukla tamaşaları göstərilib.

Katarina Klançnik Kokutar (UNIMA nümayəndəsi): “Kukla tamaşaları uşaqlar üçün çox vacibdir. Çünki uşaqlar teatr sənətilə onların vastiəsilə tanış olur. Beləliklə, uşaqlar teatra baxmağı, onu diqqətlə izləməyi, incənəsəti, o cümlədən vizual incəsənəti və sairi daha yaxşı müşahidə etməyi öyrənir”.

“Heç kimin torpağı” bütün yaş qrupuna aid marionet tamaşasıdır. Bu tamaşanı Bakıda “Merlin Puppet” teatrı nümayiş etdirib. O, yalnızlıq, seçimin olmaması, axtarış və ümidsizlik haqqındadır. Bu, təsirli və incə kompozisiyadır.

Bu teatr 1995-ci ildə Yunanıstanda fəaliyyətə başlayıb. Daha sonra Almaniyaya köçüb. O, 32 ölkədə beynəlxalq teatr festivallarında iştirak edib.

İtaliyanın “No Gravity” teatrının qeyri-adi və çoxplanlı tamaşası bu festivalın ən gözəl tamaşalarından biri olub. Tamaşada Montoverdi və Vivaldinin ariya musiqisi, rəqs, sirk elementləri, qeyri-adi xoreoqrafiya, dekorasiya var idi. Bundan əlavə, tamaşada rəqqaslar, musiqiçilər, müğənnilər bərabər səviyyədə rol oynayır.

Rejissor Emiliano Pellisari İntibah dövrünün teatr ənənələrində, barokko teatrında ilham axtarır və tapır. O, 17-ci əsrdəki “teatr möcüzəsi” prinsiplərindən istifadə edir.

Tamaşaçıların coşqulu reaksiyası göstərib ki, bu prinsiplər əsrlər keçsə belə, köhnəlməyib.

 

(Rus dilindən tərcümə - WorldMedia.Az)

Mənbə: Euronews

 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az