18.04.2019 22:20
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycan prezidenti deyir ki, “Bir kəmər-bir yol” təşəbbüsü regional sabitlik üçün vacibdir
 
18.04.2019
Xinhua, Çin
 

  Moskva Qarabağ prosesində liderliyini göstərdi: Lavrov niyə fəallaşıb?
 
18.04.2019
1in.am, Ermənistan
 

  Bakı ilə Yerevan Qarabağ danışıqlarını davam etdirməklə bağlı razılığa gəlib
 
17.04.2019
IRNA, İran
 

  Ermənistanla Azərbaycan sülh danışıqlarını davam etdirir
 
17.04.2019
Nouvelles d’ARMÉNIE, Fransa
 

  Dağlıq Qarabağ münaqişəsinin həllində Avropanın liderliyinə ehtiyac var
 
17.04.2019
Eurasia Review, ABŞ
 

 
 
Türkiyə, Rusiya, Azərbaycan və İran İKT sahəsində birgə layihə həyata keçirəcək

 
 



Actualite-news.com, Fransa
06.12.2018


Müəllif: Ümit Dönməz

Türkiyənin nəqliyyat və infrastruktur naziri Mehmet Cahit Turhanın sözlərinə görə, ölkəsi Rusiya, Azərbaycan və İranla birlikdə informasiya və kommunikasiya texnologiyaları üzrə konsorsium yaradacaq.

Türkiyə, Rusiya, Azərbaycan və İran informasiya və kommunikasiya texnologiyaları üzrə konsorsium yaratmaq haqda razılığa gəlib. Bunu Türkiyənin nəqliyyat və infrastruktur naziri Mehmet Cahit Turhan bildirib.

“Bu dörd ölkə informasiya və kommunikasiya texnologiyaları sahəsində fəaliyyət göstərən istər dövlət, istərsə özəl qurumlarının fəaliyyətini daha da genişləndirmək, onlar üçün yeni imkanlar yaratmaq məqsədilə birgə müəssisə qurmaq haqda razılığa gəlib”, - deyə türkiyəli nazir qeyd edib.

Azərbaycan, Türkiyə, Rusiya və İran nazirlərinin Bakıda keçirilmiş dördtərəfli görüşündə yeni müəssisələr, peyk xidmətləri və fiberoptik şəbəkələr və s. sahələrdə əməkdaşlıq imkanları müzakirə olunub. Turhan hesab edir ki, bu dörd ölkənin coğrafi mövqeyi Avropada, Afrikada və Asiyada kommunikasiya sahəsi üçün çox əhəmiyyətlidir.

Türkiyəli nazir Azərbaycanın paytaxtı Bakıda keçirilən XXIV beynəlxalq “Bakutel-2018” telekommunikasiya, innovasiya və yüksək texnologiyalar sərgində də iştirak edib.

Bakıda o, Azərbaycan prezidenti İlham Əliyev tərəfindən qəbul da edilib. Görüşdə prezident Əliyev Azərbaycanla Türkiyə arasındakı ikitərəfli münasibətlərin bütün sahələrdə, o cümlədən nəqliyyat və infrastruktur sahələrində uğurla inkişaf etdiyini söyləyib. İki ölkənin nəqliyyat sahəsindəki əməkdaşlığına xüsusi toxunan İlham Əliyev ötən il istifadəyə verilmiş Bakı-Tbilisi-Qars dəmir yolu xəttinin təkcə region deyil, bütünlükdə Avrasiya məkanı üçün böyük önəm daşıdığını bildirib.

Dövlət başçısı bildirib ki, iki ölkə rabitə sahəsində də əməkdaşlıq edir və Türkiyə şirkətləri uzun illərdir ki, Azərbaycanın bu sektorunda fəaliyyət göstərir. Bununla yanaşı, Əliyev rabitə sahəsində əməkdaşlığın daha da genişlənəcəyinə ümid edir.

Mehmet Cahit Turhan isə iki ölkə arasında əlaqələrin dərin tarixi köklərə malik olduğunu, Türkiyə ilə Azərbaycanın bütün sahələrdə birgə layihələri davam edəcəklərini deyib.

Prezident İlham Əliyev ilə türkiyəli nazir Turhan “Bakutel-2018” sərgisi zamanı – Azərbaycan prezidentinin “Turkstat”, PTT, “Turkcell” və “Havelsan” kimi şirkətlərin təmsil olunduğu Türkiyə stendinə baş çəkdiyi zaman bir daha görüşüblər.

(Fransız dilindən tərcümə - WorldMedia.Az)

Mənbə: Actualite-news.com


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az