07.06.2020 01:17
Ana səhifə | Haqqımızda | Bizimlə əlaqə  
    
 
  Son tərcümələr

  İsraillə Azərbaycan uzunömürlülüyün sirrini bilir?
 
06.06.2020
THE JERUSALEM POST, İsrail
 

  Qarabağ: İran yaxınlığında uzun müddətdir davam edən münaqişə
 
05.06.2020
IRNA, İran
 

  Azərbaycan iqtisadi azadlıqları irəli aparmaq üçün ciddi addımlar atır
 
04.06.2020
THE DAILY SIGNAL, ABŞ
 

  Rusiya imperiyasının köçürmə siyasəti
 
03.06.2020
HISTORIA UWAZAM RZE, Polşa
 

  İran-Azərbaycan: dərin və köklü əlaqələr
 
03.06.2020
IRNA, İran
 

 
 
Seneqallı müdafiəçi Pap Mamadu Mbodj Azərbaycanda

 
 



APS, Seneqal
11.12.2018


3 il idi Litvanın “Jalqiris” (Vilnüs) klubunun formasını geyən seneqallı mərkəz müdafiəçisi Pap Mamadu Mbodj Bakının “Neftçi” klubu (Azərbaycan) ilə 2,5 illik müqavilə imzaladığını açıqlayıb.

“Daha da inkişaf etmək üçün yeni klubula 2,5 illik müqavilə imzaladım. Çünki onlar Litva çempionatından daha yüksək səviyyəli liqada maraqlı layihə təqdim etdilər”, - deyə “Dakar Sacré-Cœur” klubunda formalaşmış müdafiəçi bildirib.

Əvvəllər Belqradın “Srvena Zvezda” klubunda da çıxış etmiş Pap Mamadu Mbodj 3 il idi Vilnüsün “Jalqiris” komandasında çıxış edirdi. O, Seneqalın gənclərdən ibarət milli komandasının da şərəfini qoruyub. Seneqallı futbolçu artıq yeni komanda yoldaşlarına və məşqçilərə təqdim olunub.

“Artıq Bakıdayam və komanda yoldaşlarımı daha yaxından tanış olmaq üçün onlarla birgə məşq edirəm”, - deyə Mbodj bildirib.

Onun yeni komandası hazırda milli çempionatın lideridir və son illərdə Avropa turnirlərində iştirakı adət halı almış “Qarabağ”ı 3 xal qabaqlayır. Hazırda “Neftçi”nin 33 xalı var. Klub Azərbaycan Premyer Liqasında 10 qələbə qazanıb. Liderdən 3 xal geridə olan “Qarabağ”ın aktivində 9 qələbə var.

Mərkəz müdafiəçisi deyir ki, Azərbaycan çempionatı Litva çempionatına nisbətən daha geniş işıqlandırılır və daha çox tanınır: “Niyyətimiz daha yüksək səviyyəli liqalarda çıxış etməkdir”.

Azərbaycan çempionatının ikinci dövrəsi yanvarda start götürəcək.

25 yaşlı Pap Mamadu Mbodj əmindir ki, Litvada 1 dəfə çempionatın, 1 dəfə ölkə kubokunun, 1 dəfə də superkubokun qalibi olması onun gedişilə bağlı suallar yaradacaq.

Azərbaycan çempionatı Seneqalda çox tanınmasa da, Pap Mamadu Mbodjdan əvvəl orada Seneqal millisinin qapıçı Kalidu Sissoko da forma geyib. O, 2000-ci illərindən əvvəllərində Dakarın “Jeanne d’Arc” klubundan “Bakı” komandasına transfer olunmuş və Azərbaycanda bir neçə mövsüm keçirmişdi.

(Fransız dilindən tərcümə - WorldMedia.Az)

Mənbə: APS

 
          

Saytın materiallarından istifadə zamanı worldmedia.az-a istinad mütləqdir  

© 2016-2020, WorldMedia.az