18.03.2019 19:41
Ana səhifə | Haqqımızda | Bizimlə əlaqə  
    
 
  Son tərcümələr

  Gürcüstan prezidenti Cənubi Qafqazda balansı dəyişdi
 
15.03.2019
Kommersant, Rusiya
 

  Essyenin yeni ünvanı Azərbaycandır
 
15.03.2019
Milliyet, Türkiyə
 

  Pakayin: “Tehranla Bakı strateji əlaqələr haqda düşünür”
 
15.03.2019
ISNA, İran
 

  Belarusun Azərbaycana satdığı “Polonez” tipli komplekslər Ermənistanın hər nöqtəsini vurmağa qadirdir
 
14.03.2019
168hours, Ermənistan
 

  Əhalisinin əksəriyyəti müsəlman olan Azərbaycan yevangelist liderlərə qucaq açdı - VİDEO
 
12.03.2019
CBN NEWS, ABŞ
 

 
 
SOCAR ilə BP Türkiyədə neft-kimya kompleksi inşa edəcək

 
 



IRNA, İran
25.12.2018


Azərbaycan Dövlət Neft Şirkəti (SOCAR) ilə BP şirkəti Türkiyədə müasir texnologiya ilə təchiz olunacaq neft-kimya kompleksi inşa edəcək.

İki qurum Türkiyədə birgə istehsalat müəssisəsinin yaradılmasına dair müqavilənin bağlandığı haqda məlumat yayıb. Məlumata görə, Türkiyənin qərbində yerləşən Əliağa bölgəsində yaradılacaq müştərək müəssisədə hər il 1,25 milyon ton tereftalik turşu, 840 min ton tozoksil və 340 min ton benzol istehsal olunacaq.

Yaxın vaxtlarda yeni istehsalat birliyinin layihələndirmə işlərinə start veriləcək. Yeni neft-kimya kompleksi Türkiyədə yerləşən və SOCAR-a məxsus “Star” zavodu və “Petkim” neft-kimya kompleksini lazımi materiallarla təmin edəcək.

SOCAR-ın Türkiyədəki ofisinin direktoru Vaqif Əliyev: “2008-ci ildə SOCAR “Petkim” neft-kimya kompleksini istismara verməklə, Türkiyə bazarına daxil olub. Daha sonra burada SOCAR tərəfindən “Star” zavodu, Transanadolu qaz kəməri, “Petlim” konteyner terminalı, “Petkim” külək elektrik stansiyası kimi böyük layihələr həyata keçirilib”.

SOCAR Türkiyədəki bütün iqtisadi layihələrini Əliağa bölgəsində həyata keçirib və bununla da bu region xüsusi sənaye zonasına çevrilib.

“Azərbaycanın neft-kimya kompleksini dünya bazarlarına birbaşa çıxışı olan Ege dənizi sahilində genişləndirməkdə məqsədi iki ölkə iqtisadiyyatına töhfə verməkdir”, - deyə V.Əliyev bildirib.

BP şirkətinə məxsus Aromatik Karbohidrogenlərin Qlobal İstehsalat Birliyinin icraçı direktoru Luis Sierra deyib: “Yeni neft-kimya kompleksinin uğurla inşa edildiyi təqdirdə, müəssisə qərb yarımkürəsində tereftalik turşu, parakstik və aromatik karbohidrogenlərin ən böyük istehsalçılarından biri olacaq. O, BP tərəfindən 20 il əvvəl Çində inşa olunmuş “Zhuhai” müəssisəsindən sonra ən böyük aromatik karbohidrogen istehsalat birliyinə çevriləcək. Bununla yanaşı, BP-nin qabaqcıl texnologiyalardan istifadəsilə, SOCAR ilə birlikdə Türkiyənin polyester və toxuculuq sənayesinə kömək edəcək daha üstün istehsalat birliyi yaranacaq”.

SOCAR ilə BP bu məsələdə 2019-cu ildə yekun investisiya qərarlarının qəbulunu, 2023-cü ildə isə istehsalat birliyini istismara verməyi planlaşdırır. Bu iki qurum Azərbaycan, Türkiyə və regionun digər bölgələrində bir sıra enerji layihələri çərçivəsində uzunmüddətli əməkdaşlıq edir.

SOCAR-ın Türkiyə ofisinin icraçı direktoru Zaur Qəhrəmanov hesab edir ki, planlaşdırılan yeni sərmayə qoyuluşu xüsusi əhəmiyyət kəsb edir. Onun sözlərinə görə, bu layihənin həyata keçirilməsilə SOCAR-ın Türkiyə bazarındakı payı artacaq və qeyd olunan məhsulların Türkiyəyə idxalı azalacaq.

(Fars dilindən tərcümə - WorldMedia.Az)

Mənbə: IRNA


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az