18.03.2019 19:38
Ana səhifə | Haqqımızda | Bizimlə əlaqə  
    
 
  Son tərcümələr

  Gürcüstan prezidenti Cənubi Qafqazda balansı dəyişdi
 
15.03.2019
Kommersant, Rusiya
 

  Essyenin yeni ünvanı Azərbaycandır
 
15.03.2019
Milliyet, Türkiyə
 

  Pakayin: “Tehranla Bakı strateji əlaqələr haqda düşünür”
 
15.03.2019
ISNA, İran
 

  Belarusun Azərbaycana satdığı “Polonez” tipli komplekslər Ermənistanın hər nöqtəsini vurmağa qadirdir
 
14.03.2019
168hours, Ermənistan
 

  Əhalisinin əksəriyyəti müsəlman olan Azərbaycan yevangelist liderlərə qucaq açdı - VİDEO
 
12.03.2019
CBN NEWS, ABŞ
 

 
 
Paşinyanın inqilab dalğası və “Dağlıq Qarabağ hökuməti”nin süqutu

 
 



TasnimNews, İran
07.01.2019


Ermənistanda baş vermiş inqilabın dalğasının qondarma “Dağlıq Qarabağ Respublikası”na keçməsi separatçıların lideri, tanınmamış rejimin rəhbəri Bako Saakyan “hakimiyyət”inin süqutu ilə nəticələnə bilər.

“Tasnim” İnformasiya Agentliyinin məlumatına görə, bunu erməni politoloq Aram Tadosyan bildirib. O, keçirdiyi mətbuat konfransında Ermənistanda aprel inqilabından sonra yaranmış vəziyyət haqda danışıb. “Ermənistanda Serj Sarqsyanın istefaya göndərilməsilə hakimiyyətin dəyişməsindən, Nikol Paşinyanın hakimiyyətə gəlişindən sonra cəmiyyət iki yerə bölünüb. Bu gün Yerevanın Qarabağ üzərində hegemonluğuna tərəfdar olanlar Paşinyan inqilabını dəstəkləmir”, - deyə politoloq qeyd edib.

Yerevandakı siyasi qarşıdurmaların “Dağlıq Qarabağ bölgəsinə də sıçrayacağını” düşünən Tadosyan deyib: “Paşinyanın inqilab dalğasının Qarabağa təsiri qaçılmazdır. Orada gərginliyin artması isə separatçı lider Bako Saakyanın devrilməsinə səbəb olacaq. Çünki Saakyan Sarqsyana yaxın siyasətçilərdən sayılır və Qarabağda məhz Sarqsyanın siyasi kursu davam edir”.

Politoloq hesab edir ki, Sarqsyan hakimiyyətinin süqutundan sonra Saakyan və tərəfdarları Paşinyanı aldatmağa, güya onun hakimiyyətini dəstəklədiklərini göstərməyə çalışırlar. “Ancaq baş nazir bu dəstəyin saxta olduğunu yaxşı bilir”, - deyə erməni ekspert qeyd edib.

“İşğal altındakı Dağlıq Qarabağ ərazisi Ermənistanın keçmiş hakim rejiminin çirkli pulların yuyulması mərkəzinə, korrupsiya və qanunsuzluqlar məkanına çevrilmişdi. Bütün bunlar Paşinyan inqilabı ilə ziddiyyət təşkil edir. Odur ki, “DQR”i çox çətin günlər gözləyir”, - deyə Aram Tadosyan bildirib.

(Fars dilindən tərcümə - WorldMedia.Az)

Mənbə: TasnimNews


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az