25.05.2019 17:11
Ana səhifə | Haqqımızda | Bizimlə əlaqə  
    
 
  Son tərcümələr

  Avropa Liqasının finalı: “Çelsi” - “Arsenal”
 
24.05.2019
RTBF.be, Belçika
 

  Qafqazda müharibə və tərəqqi
 
24.05.2019
24 Horas, Meksika
 

  FOTOREPORTAJ| Bakı: Avropa Liqasının finalı zamanı qalmalı, yeyib-içməli, şopinq etməli məkanlar
 
24.05.2019
INDEPENDENT, Böyük Britaniya
 

  Yay tətili üçün möhtəşəm Bakı çimərlikləri - FOTO
 
24.05.2019
Newsparsi, İran
 

  Mxitaryan Azərbaycanda niyə oynamayacaq?
 
23.05.2019
BESOCCER, İspaniya
 

 
 
Azərbaycanın genişmiqyaslı hərbi təlimləri Ermənistanı qəzəbləndirib

 
 



RFI, Fransa
12.03.2019


Azərbaycan martın 11-dən genişmiqyaslı hərbi təlimlərə başlayıb. Bu, Ermənistan tərəfindən tənqidlə qarşılanıb. Məsələ ondadır ki, iki ölkə yaxın vaxtlarda aralarında yaşanan Dağlıq Qarabağ münaqişəsinin həlli üzrə danışıqlara başlamağa hazırlaşır.

“Təlimlərdə qoşunlar hücum əməliyyatının hazırlanması, şərti düşmənə bir neçə istiqamətdən zərbə vurulması üzrə tapşırıqları yerinə yetirəcək”, - deyə Azərbaycan Müdafiə Nazirliyinin açıqlamasında bildirilir. Nazirliyin məlumatına görə, təlimlərə 10 min nəfərədək şəxsi heyət, 500-dək tank, zirehli texnika, 300-dək raket və artilleriya qurğusu, 20-dək hərbi təyyarə cəlb olunacaq.

Ermənistanın xarici işlər nazirisə bu təlimin keçirilməsini pisləyib. Onun fikrincə, bu, sülh üçün əlverişli mühitin yaranmasına xidmət etmir.

Tərəflər arasında danışıqlar nəzərdə tutulur

Təlimlər Ermənistanın baş naziri Nikol Paşinyan ilə Azərbaycan prezidenti İlham Əliyev arasında görüşünün keçiriləcəyi ərəfədə başlayıb. Yaxın günlərdə tərəflər ilk dəfə olaraq Dağlıq Qarabağ bölgəsinin taleyini ətraflı müzakirə edəcək. Düzdür, hələ ki, danışıqların vaxtı tam dəqiqləşməyib. Amma hər iki tərəf görüşün keçirilməsinə razılıq verib.

Ermənistan Xarici İşlər Nazirliyinin sözcüsü Anna Nağdəlyan AFP-yə bildirib ki, Yerevan danışıqların “aynına tapança sıxılmış” vəziyyətdə keçirilməsini qəbul etmək niyyətində deyil.

Bitmək bilməyən münaqişə

Əhalisinin əksəriyyətini ermənilərin təşkil etdiyi Dağlı Qarabağ bölgəsi 1991-ci ildə Ermənistanın dəstəyilə birtərəfli qaydada müstəqilliyini elan edib. Bununla da tərəflər arasında müharibə başlayıb.

Otuz min insanın ölümünə və yüz minlərlə insanın qaçqına çevrilməsinə səbəb olmuş müharibə 1994-cü ilədək davam edib və həmin il tərəflər arasında atəşkəs elan olunub. Bununla belə, Bakı ilə Yerevan sülh sazişi imzalamağa nail olmayıb və tərəflər arasında silahlı qarşıdurmalar bu gün də davam edir.

Beynəlxalq ictimaiyyət Dağlıq Qarabağı Azərbaycanın tərkib hissəsi kimi tanıyır.

(Fransız dilindən tərcümə - WorldMedia.Az)

Mənbə: RFI


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az