23.08.2019 12:58
Ana səhifə | Haqqımızda | Bizimlə əlaqə  
    
 
  Son tərcümələr

  FOTO| Azərbaycanın İpək Yolu: qonaq evləri və karvansaralar şəhəri
 
14.08.2019
Titreshahr, İran
 

  Seyid İmadəddin Nəsimi: “Kövnü məkana sığmayan” həqiqət şairi
 
08.08.2019
Ən-Nahar, Küveyt
 

  Sen-Meri kilsəsində Səidə Zülfüqarovanın konserti
 
02.08.2019
PARIS, Fransa
 

  İnkişaf etməkdə olan Fransa-Azərbaycan iqtisadi əlaqələrinə baxış
 
02.08.2019
TasnimNews, İran
 

  Azərbaycanın “Şanlı otuzilliy”i: yenidənqurmadan cəsarətli islahatlara
 
01.08.2019
Eurolatio, Fransa
 

 
 
Səfir Əlizadə: “Heydər Əliyev Fondu Pakistanda humanitar fəaliyyəti davam etdirəcək”

 
 



DNA, Pakistan
08.04.2019


Azərbaycanın Pakistandakı səfiri Əli Əlizadə Müzəffərabad şəhərində yerləşən, Azərbaycanın birinci vitse-prezidenti Mehriban xanım Əliyevanın adına olan qızlar məktəbini ziyarət edib. Səfir bildirib ki, Heydər Əliyev Fondu Pakistanın müxtəlif bölgələrində humanitar və xeyriyyəçilik fəaliyyətini davam etdirəcək.

Ə.Əlizadə orta məktəbin müəllimləri və şagirdlərilə görüşüb. Ölkədə 2005-ci ildə baş vermiş zəlzələ zamanı bu məktəb yararsız hala düşmüşdü. O, Azərbaycanın birinci vitse-prezidenti Mehriban Əliyevanın təşəbbüsü ilə 2007-ci ildə Heydər Əliyev Fondu tərəfindən yenidən inşa olunub. Ə.Əlizadə məktəbi ziyarət etməkdən məmnunluğunu ifadə edib.

Bu il Heydər Əliyev Fondunun yaranmasının 15-ci ildönümü olduğunu xatırladan diplomat deyib: “Fond bu illər ərzində Pakistanla əlaqələrə xüsusi diqqət yetirib. Fondun prezidenti, birinci xanım Mehriban Əliyeva Pakistanla əlaqələrə və əməkdaşlığa xüsusi diqqət edir”.

Səfir Heydər Əliyev Fondunun müxtəlif ölkələrdə, həmçinin Pakistanda sosial-humanitar sahə daxil olmaqla, təhsil, səhiyyə, mədəniyyət, idman, elm, texnologiya, ətraf mühit və s. sahələrdə həyata keçirdiyi layihələr haqda məlumat verib. Onun sözlərinə görə, Müzəffərabad şəhərində 400 şagirdlik məktəbin tikintisi bunun ən yaxşı nümünəsidir: “Bu, Azərbaycanla Pakistan arasındakı dostluq və qardaşlıq əlaqələrinin təzahürüdür”. Əlizadə qeyd edib ki, Fond bu məktəbə hər zaman diqqət göstərir və o, səfir kimi buranı mütəmadi olaraq ziyarət edir: “Bu məktəblə əlaqələrimiz gələcəkdə də davam edəcək”.

Azərbaycanlı diplomat Heydər Əliyev Fondunun adından məktəbə və şagirdlərə hədiyyələr – komputerlər, printerlər, idman ləvazimatları, dərsliklər, çantalar, oyuncaqlar, Fondun nəşrlərini və s. verib.

Məktəbin direktoru Şirin Qadri bildirib ki, bu məktəb Heydər Əliyev Fondu tərəfindən Pakistan üçün çətin və ehtiyac duyulduğu zamanda tikilib. O, Fondun bu addımını yüksək qiymətləndirib. Direktor məktəbdə tədris üçün yaradılmış yaxşı şəraitə, diqqətə, qayğıya görə Azərbaycan dövlətinə, xüsusilə Heydər Əliyev Fondunun prezidenti Mehriban Əliyevaya dərin minnətdarlıq bildirib.

Sonda şagirdlər Fondun 15 illik yubileyinə həsr olunmuş tamaşalar göstəriblər.

(İngilis dilindən tərcümə - WorldMedia.Az)

Mənbə: DNA


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az