25.05.2019 17:08
Ana səhifə | Haqqımızda | Bizimlə əlaqə  
    
 
  Son tərcümələr

  Avropa Liqasının finalı: “Çelsi” - “Arsenal”
 
24.05.2019
RTBF.be, Belçika
 

  Qafqazda müharibə və tərəqqi
 
24.05.2019
24 Horas, Meksika
 

  FOTOREPORTAJ| Bakı: Avropa Liqasının finalı zamanı qalmalı, yeyib-içməli, şopinq etməli məkanlar
 
24.05.2019
INDEPENDENT, Böyük Britaniya
 

  Yay tətili üçün möhtəşəm Bakı çimərlikləri - FOTO
 
24.05.2019
Newsparsi, İran
 

  Mxitaryan Azərbaycanda niyə oynamayacaq?
 
23.05.2019
BESOCCER, İspaniya
 

 
 
Nazimin dostu vəfat etdi

 
 



ODA TV, Türkiyə
13.05.2019


Nazim Hikmətin dostu, dünyada məşhur Azərbaycan türkü, bəstəkar Prof. Dr. Arif Məlikov vəfat edib.

Məlikov Bakıda dövlət səviyyəsində təşkil olunmuş mərasimlə dəfn olunub.

1933-cü ildə Bakıda doğulmuş, Nazim Hikmətin əsərlərinə də musiqilər yazmış Məlikov ötən il Rusiya-Türkiyə İş Adamları Birliyinin (RTİB) “Nazim Hikmət dostluq mükafatı” laureatı olmuşdu.

“Media Günlüyü”ndən Fuad Səfərov xatırladır ki, Məlikov vaxtilə Azərbaycan və Türkiyə mətbuatına açıqlamalarında Nazim Hikmətlə dostluğundan çox danışıb, onunla pis və xoş günlərini paylaşdıqlarını deyərək, bundan böyük iftixar keçirdiyini söylətib.

RTİB-in Nazim Hikmətin xatirə komitəsinin sədri Ali Qalib Savaşır, “Media Günlüyu”nə açıqlamasında deyib: “Bütün Nazimsevərlərin başı sağ olsun. Böyük bəstəkar idi. Nazimin dostu olmaqla yanaşı, hərt birimiz üçün çox dəyərli idi. Onun Nazimlə bağlı gözəl, emosional xatirələrini dinləmək insana zövq verirdi. Allah rəhmət eləsin”.

Məlikovun “Məhəbbət əfsanəsi”, “Yusif və Zuleyxa”, “Əlibaba və 40 quldur” kimi onlarla sənət əsəri istər vaxtilə Sovet İttifaqında, istərsə də başqa ölkəkərdə dəfələrlə səhnələşdirilib.

Nazim ilə dostluğu 1950-ci illərin sonlarında başlamışdı

Onun Nazim ilə 1950-ci illərin sonlarında başlamış dostluğuna “Fərhad və Şirin” əsəri səbəb olmuşdu. Bu, Nazimin 1948-ci ildə Bursa həbsxanasında yazdığı teatr tamaşası idi.

1953-ci ilin oktyabrında əsər “Məhəbbət əfsanəsi” adı ilə Moskva Dram Teatrında da səhnələşdirilib. 1961-ci il martın 23-də Rusiyada Kirov adına Akademik Opera və Balet Teatrının səhnəsində nümayiş etdirilmiş əsərin də musiqisini Məlikov bəstələmişdi.

1965-ci ildə “Böyük teatr”da səhnəyə qoyulmuş baletdə baş rolları Maya Plisestkaya (Məhmən Banu) və Marş Liepa (Fərhad) oynamışdılar. “Fərhad və Şirin”dən təsirlənərək yazılmış “Məhəbbət əfsanəsi” uzun fasilədən sonra, 2014-cü ildə “Böyük teatr”da yenidən səhnəyə qoyulmuşdu.

(Türk dilindən tərcümə - WorldMedia.Az)

Mənbə: ODA TV


 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az