19.10.2019 10:52
Ana səhifə | Haqqımızda | Bizimlə əlaqə  
    
 
  Son tərcümələr

  MÜSAHİBƏ| “Heç yana gedən deyilik, Ermənistanla danışıqlar aparmaq lazımdır”
 
18.10.2019
İzvestiya, Rusiya
 

  Avropa Şurası yəhudi irsinin qorunması qərarını Azərbaycanın rəhbərliyilə qəbul etdi
 
16.10.2019
JEWISH JOURNAL, ABŞ
 

  Ermənistana “öz Banderası” nəyə gərəkdir?
 
15.10.2019
ROSBALT, Rusiya
 

  Moskvadan Bakıya riskli təklif
 
15.10.2019
Lragir.am, Ermənistan
 

  MÜSAHİBƏ| Azərbaycanın Fransadakı səfiri Rəhman Mustafayev qondarma dostluq xartiyaları haqda
 
10.10.2019
Turquie News, Fransa
 

 
 
FOTO| Bakıda Avropa Gənclər Yay Olimpiya Festivalı həyəcanı

 
 



Anadolu Ajansı, Türkiyə
23.07.2019


Müəllif: Ruslan Rəhimov

Azərbaycanın ev sahibliyi etdiyi XV Avropa Gənclər Yay Olimpiya Festivalına (EYOF 2019) Baku Crystal Hall”da təşkil olunmuş açılış mərasimilə start verilib.

Avropa Olimpiya Komitələri (EOC) tərəfindən iki ildən bir təşkil olunan, bu il Azərbaycan paytaxtı Bakıda keçirilən EYOF 2019-un açılış mərasimində Azərbaycan bayrağı ucaldılıb, ölkənin dövlət himni səsləndirilib.

Xoreoqrafiya və işıq şouları ilə davam edən tədbirdə Oyunlarda iştirak edəcək idmançılar ölkələrinin bayraqları ilə yürüş edib.

Tamaşaçılar Türkiyə idmançılarını ayaq üstə alqışlayıb

İlk yarışa ev sahibliyi etmiş Yunanıstan millisinin keçidilə başlayan yürüş zamanı tamaşaçılar Türkiyə idmançılarını ayaq üstə alqışlayıb. Milli komandamızın üzvləri isə Türkiyə bayraqları ilə yanaşı, Azərbaycan bayraqlarını da qaldırıblar.

İdmançıların keçidi zamanı ən çox alqışı təbii ki, ev sahibi Azərbaycan komandası alıb.

Açılıq mərasimində Azərbaycan prezident İlham Əliyev və birinci xanım Mehriban Əliyeva, Avropa Olimpiya Komitələrinin prezidenti Yanes Kosyançiç də iştirak ediblər. Prezident Əliyevin Oyunların başladığını rəsmən elan etməsinin ardından Olimpiya Oyunlarının bayrağı qaldırılıb.

Turnirə startı azərbaycanlı olimpiya çempionu verib

Bundan əvvəl Romada yandırılmış məşəl azərbaycanlı olimpiya çempionu, güləşçi Fərid Mansurov tərəfindən meydana gətirilib. Məşhur azərbaycanlı müğənni Tünzalə Ağayevanın çıxış etdiyi tədbir Azərbaycan mədəniyyətini, adət-ənənələrini və inkişafını əks etdirən xoreoqrafiya şousu ilə davam edib.

50 ölkədən 3500-dən çox idmançının qatıldığı yarışda Türkiyə 9 idman növündə 126 idmançı ilə mübarizə aparacaq. Onlar bədii gimnastika, atletika, basketbol, velosiped yarışı, güləş, cüdo, tennis, voleybol, üzgüçülük kimi idman növlərində yarışacaqlar.

Yarış iyulun 27-də başa çatacaq.

(Türk dilindən tərcümə - WorldMedia.Az)

Mənbə: Anadolu Ajansı

 
          

Saytın materiallarından istifadə zamanı worldmedia.az-a istinad mütləqdir  

© 2016-2019, WorldMedia.az