30.10.2020 12:16
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağ: Azərbaycan Ermənistanı mülki şəxslərin qətlində günahlandırır
 
30.10.2020
Le Monde, Fransa
 

  FOTOREPORTAJ| Azərbaycanda silsilə partlayışlar, qışqırtılar və... qan
 
29.10.2020
The New York Times, ABŞ
 

  Yerevanın “ölüm ticarəti”... Erməni uşaqlar əsgərə və tabuta necə çevrilir?
 
29.10.2020
Əl-Hərir, Əlcəzair
 

  Azərbaycan şəhərinə raket zərbəsi nəticəsində 21 mülki şəxs ölüb
 
29.10.2020
BBC, Böyük Britaniya
 

  Dağlıq Qarabağ: Beynəlxalq Qızıl Xaç Komitəsinin könüllüsü qətlə yetirilib
 
29.10.2020
Le Figaro, Fransa
 

 
 
VİDEO| “Qarabağ Azərbaycandır!”

 
 



HABER GLOBAL, Türkiyə
07.10.2019


Qardaş Azərbaycanın prezidenti İlham Əliyev Ermənistan baş naziri Nikol Paşinyana şillə kimi cavab verib. Əliyevin Paşinyanın “Qarabağ Ermənistanındır - nöqtə” bəyanatına reaksiyası çox sərt olub.

Azərbaycan lideri “Qarabağ Azərbaycandır - nida!” deyib. Qarabağın əzəli Azərbaycan torpağı olduğunu deyən İlham Əliyev fikrini keçmişə səyahət edərək,  nümunələrlə sübut edib: “1921-ci ildə Koordinasiya Şurasının qərarı ilə Dağlıq Qarabağ Azərbaycanın tərkibində qalıb. Bu, ermənilərin dediyi kimi, onun kimlərəsə verilməsi deyildi”.

Paşinyan həmin çıxışını Azərbaycan torpağı olan Xankəndidə etmişdi. Əliyev isə Rusiyada dünya siyasətçilərinin iştirak etdiyi “Valday” Beynəlxalq Diskussiya Klubunun iclasında danışıb. O, çıxışında Qərbin ikili standartlarından da söz açıb: “BMT Təhlükəsizlik Şurası Ermənistan silahlı qüvvələrinin işğal olunmuş ərazilərdən dərhal və qeyd-şərtsiz çıxarılmasını tələb edən dörd qətnamə qəbul edib. Amma onlar 25 ildən artıqdır tətbiq olunmur. Azərbaycan qətnamələrin fərqli tətbiqindən narahatdır. Bizimlə bağlı qərarlar kağız üzərində qalır”.

Daha sonra Əliyev Ermənistan baş nazirnin yanlış ifadəsinə düzəliş edib: “Qarabağ Azərbaycandır və nida! Ermənistan baş nazirinin “problemin həlli Azərbaycan, erməni və Dağlıq Qarabaq xalqları üçün məqbul olmalıdır” ifadəsini tez-tez işlətdiyini xatırlatmaq istəyirəm. “Dağlıq Qarabağ xalqı” anlayışı yoxdur! Dağlıq Qarabağda münaqişədən öncə bərabər hüquqlara malik azərbaycanlı və erməni əhali birlikdə yaşayıb”.

Ermənistan, Azərbaycan Dağlıq Qarabağ münaqişəsi 1988-ci ildə Ermənistanın Azərbaycana qarşı ərazi iddiaları ilə başlayıb. Azərbaycan daxilindəki qarışıqlıqdan da istifadə edən Ermənistan 1991-1993-cü illərdə Azərbaycan ərazisinin 20%-ni işğal edib.

 

(Türk dilindən tərcümə - WorldMedia.Az)

Mənbə: HABER GLOBAL

 
          

Saytın materiallarından istifadə zamanı worldmedia.az-a istinad mütləqdir  

© 2016-2020, WorldMedia.az