28.02.2020 12:32
Ana səhifə | Haqqımızda | Bizimlə əlaqə  
    
 
  Son tərcümələr

  ABŞ-Azərbaycan münasibətləri: mürəkkəb qonşulara rəğmən, irəli
 
28.02.2020
Geopolitical Monitor, Kanada
 

  FOTOSESSİYA| “Qadın və uşaqlar ölüb qarın üstündə qalırdılar”
 
27.02.2020
Lenta.Ru, Rusiya
 

  FOTO| “Avro 2020” üçün ideya: Bakıya yollanmaq olar
 
27.02.2020
Sports.Ru, Rusiya
 

  Koronavirus üzündən Astara sərhəd-keçid məntəqəsində gediş-gəliş azalıb
 
27.02.2020
IRNA, İran
 

  28 il ötsə də, ədalət bərpa olunmayıb
 
26.02.2020
Eurasia Review, ABŞ
 

 
 
Ermənistan-Azərbaycan: hansı ölkənin müdafiə xərcləri daha çoxdur?

 
 



Eurasianet.org, ABŞ
30.10.2019


Müəllif: Sem Bhutiya

Dağlıq Qarabağ münaqişəsi onilliklərdir davam edir. Zəngin neft ehtiyatlarına malik Azərbaycan məhz bu üzdən, Silahlı qüvvələrinin modernləşdirilməsinə böyük vəsait xərcləyib. Ermənistanın Azərbaycanla bu sahədə rəqabət aparması isə onun büdcəsinin boşalması ilə nəticələnir.

Stokholm Beynəlxalq Sülh Araşdırmaları İnstitutunun yenilənmiş hesabatına əsasən, 2009-2018-ci illərdə Azərbaycanın hərbi xərcləri təxminən 24 milyard dollar təşkil edib. Ermənistan isə eyni dövrdə hərbi sahəyə təxminən 4 milyard dollar ayırıb.

Dövlətin ümumi xərclərini nəzərə aldıqda isə Yerevanın müdafiə sahəsinə daha böyük vəsait ayırdığı görünür. Yenə də Stokholm Beynəlxalq Sülh Araşdırmaları İnstitutunun hesabatına görə, Ermənistan dövlət xərclərinin 21%-ni birbaşa hərbi sahəyə yönəldib. Azərbaycanda bu göstərici təxminən 11%-dir.

Əhalisinin təxminən 26%-i yoxsul olan Ermənistanın hərbi sahəyə bu qədər vəsait xərcləməsi ölkənin iqtisadi inkişafına əngəldir.

Bu arada bir məqamı qeyd etmək yerinə düşər: dünyanın ən böyük silah ixracatçılarından olan Rusiya Dağlıq Qarabağ münaqişəsinə cəlb olunmuş hər iki tərəfə silah satır. Doğrudur, Moskva Yerevana hərbi avandanlıqları daha güzəştli qiymətə satır və bu, Ermənistan Rusiyanın başçılıq etdiyi Kollektiv Təhlükəsizlik Müqaviləsi Təşkilatının üzvü olmasından irəli gəlir. Azərbaycan isə buna cavab olaraq, silah tədarük etdiyi ölkələrin siyahısını şaxələndirir. Bu sahədə o, İsraillə də yaxınlaşıb.

Yeri gəlmişkən, Stokholm Beynəlxalq Sülh Araşdırmaları İnstitutunun hesabatında deyilir ki, Azərbaycan İsraildən hərbi avadanlıqlar tədarük edən ölkələr sıraslnda ikinci yerdədir. İsrailin silah ixracının 17%-i Azərbaycanın payına düşür. Azərbaycan prezidenti İlham Əliyev hələ 2016-cı ildə bəyan etmişdi ki, ölkəsi İsraildən 4,85 milyard dollarlıq hərbi avadanlıq alıb. Üstəlik, bu iki ölkə arasındakı əlaqələr birtərəfli deyil: Azərbaycanın İsrailə 2018-ci ildə ixrac etdiyi məhsulların (əsasən neft) dəyəri 1,3 milyard dollar olub. Bu, Azərbaycanın ümumi ixracatının təxminən 7%-i deməkdir.

Ermənistan isə iqtisadi sahədə daha çox Rusiyadan asılıdır.

Cənubi Qafqazdakı silah yarışında Azərbaycanın neftdən qazandığı dollarlar Ermənistanın hərbi sahəyə ayırdığı dramlardan daha çoxdur.

(İngilis dilindən tərcümə - WorldMedia.Az)

Mənbə: Eurasianet.org

 
          

Saytın materiallarından istifadə zamanı worldmedia.az-a istinad mütləqdir  

© 2016-2020, WorldMedia.az