18.02.2020 13:50
Ana səhifə | Haqqımızda | Bizimlə əlaqə  
    
 
  Son tərcümələr

  Paşinyan sübut etdi ki, dövlət başçısı kostyumu əyninə çox böyükdür
 
18.02.2020
Hraparak, Ermənistan
 

  Münxendə söz dueli: qalib hansı tərəf oldu?
 
17.02.2020
The USA Tribune, ABŞ
 

  VİDEO| Azərbaycan prezidenti İlham Əliyevdən Ermənistanın baş nazirinə tarixi şillə!
 
17.02.2020
HABER GLOBAL, Türkiyə
 

  Münxen konfransı Əliyevlə Paşinyanı yaxınlaşdırmadı
 
17.02.2020
NEWS.ru, Rusiya
 

  Azərbaycan Respublikasının Dağlıq Qarabağ bölgəsinin azərbaycanlı icması dünya birliyinə müraciət edib
 
16.02.2020
Seoul City, Cənubi Koreya
 

 
 
VİDEO| Azərbaycan parlament seçkisinə yekun vurub

 
 



PERVIY KANAL, Rusiya
11.02.2020


Müəlif: Andrey Lyakin

Azərbaycan Mərkəzi Seçki Komissiyası parlament seçkisinin ilkin nəticələrini açıqlayıb. Artıq bülletenlərin 100%-i hesablanıb hakim partiya rəqiblərini böyük fərqlə üstələyir.

Bu alqışlar o deməkdir ki, seçki məntəqəsi işini başa vurub. Bülletenlərin atıldığı şəffaf qutuar açılır və səslərin sayılması başlanır. Gün ərzində səsvermənin gedişini izləmiş onlarla yerli və xarici müşahidəçi də qutunun ətrafına toplaşır. Bu, Azərbaycanın tarixində ilk növbədənkənar parlament seçkisi idi.

Leonid Kalaşnikov (Rusiya Dövlət Dumasının deputatı, MDB müşahidə missiyasının üzvü:Eşitdiyim yeganə şikayət havanın pis olması ilə bağlı idi. Başqa heç bir pozuntu ağıla gələ biləcək hansısa müdaxilə doğrudan da olmadı”.

Seçicilərin 48%-i məntəqələrə gəlmişdi. İlkin məlumata görə, ötən parlamentdə olduğu kimi, bu dəfə də parlamentdə çoxluğu hakim Yeni Azərbaycan Partiyası qazanıb. Bu, hökumətin son illər gördüyü işə verilən qiymətdir.

 Tural Qorçuyev (yerli sakin): “İqtisadi artım 2003-2004-cü illərdən başlayıb. Bu gün ölkədə turizm inkişaf edir, pensiya və maaşlar artırılır, kəndlərə qaz və yol çəkilir. Görünür ki, inkişaf edən təkcə Bakı deyil”.

Hakim partiyanın rəhbərlərindən biri isə rəqəmləri bölüşür.

Əli Əhmədov (YAP sədrinin müavini): “İlham Əliyevin rəhbərliyi illərində ölkədə iqtisadiyyat 3,4 dəfə, əmək haqqı hardasa 16 dəfə artıb. Diqqət edin, 16% yox, 16 dəfə!”.

Lakin ölkə rəhbərliyi hesab edir ki, indiyədək mövcud olmuş idarəetmə strukturu ilə artım potensialı tükənib. Bu səbəbdən Azərbaycana dərin dəyişikliklər lazımdır. Artıq dövlət aparatında və vergi sistemində islahat aparılıb, təhsil və səhiyyədə yeniliklər hazırlanır. Yeni vəzifələrin icrası üçün isə siyasətə yeni simalar gəlməlidir. Məhz bu üzdən parlamentdəki çoxluq noyabrı gözləmədən, növbədənkənar seçki elan etmək qərarına gəldi.

Parlamentdəki 125 yerə 1314 namizəd iddia edirdi. Bu isə bir yerə hardasa 11 nəfərin iddia etməsi deməkdir. Deputat mandatı uğrunda mübarizəyə ölkədə fəaliyyət göstərən 20-dən çox siyasi partiyanın əksəriyyəti qoşulmuşdu.

Asim Mollazadə (Demokratik İslahatlar Partiyasının sədri: Hesab edirəm ki, biz bu islahatları gecikdirmişik. Hakim partiya islahatlara hazır deyildi. Lakin digər müxalifət partiyalarından olan həmkarlarımla mənim fərqim ondadır ki, mən inqilabların əleyhinəyəm”.

Az qala bütün yerli politoloqlar hesab edir ki, Rusiya ilə ənənəvi mehrban qonşuluq münasibətlərinin əleyhinə olan heç bir siyasi qüvvə Azərbaycan parlamentinə keçə bilməz.

Nigar Arpadarai (deputatlığa bitərəf namizəd): Gördüyünüz kimi, mən rus dilində danışıram. Bizdə insanlar rus dilini bilir, mərkəzdə əhalinin əksəriyyəti rusdillidir. Bizdə rus məktəbləri, rus sektoru var, insanlar övladlarını rus sektoruna göndərir. Hesab edirəm ki, belə davam edəcək”.

Müasir Bakı sürətlə inkişaf edir, genişlənir və böyüyür. Bütün Azərbaycanda olduğu kimi, paytaxtı da dəyişikliklər gözləyir. Bu zaman aşağıların istəyi yuxarıların imkanları ilə üst-üstə düşür. Seçkinin ilkin nəticələri də bundan xəbər verir.

 

(Rus dilindən tərcümə - WorldMedia.Az)

Mənbə: PERVIY KANAL

 
          

Saytın materiallarından istifadə zamanı worldmedia.az-a istinad mütləqdir  

© 2016-2020, WorldMedia.az