30.10.2020 11:17
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağ: Azərbaycan Ermənistanı mülki şəxslərin qətlində günahlandırır
 
30.10.2020
Le Monde, Fransa
 

  FOTOREPORTAJ| Azərbaycanda silsilə partlayışlar, qışqırtılar və... qan
 
29.10.2020
The New York Times, ABŞ
 

  Yerevanın “ölüm ticarəti”... Erməni uşaqlar əsgərə və tabuta necə çevrilir?
 
29.10.2020
Əl-Hərir, Əlcəzair
 

  Azərbaycan şəhərinə raket zərbəsi nəticəsində 21 mülki şəxs ölüb
 
29.10.2020
BBC, Böyük Britaniya
 

  Dağlıq Qarabağ: Beynəlxalq Qızıl Xaç Komitəsinin könüllüsü qətlə yetirilib
 
29.10.2020
Le Figaro, Fransa
 

 
 
FOTO| Xalça Muzeyi zahirən hansı formada ola bilər? Bakının növbəti cavabı bu sualadır

 
 



LA STAMPA, İtaliya
21.04.2020


Müəllif: Noemi Penna

Bükülmüş xalça – Azərbaycan Milli Xalça Muzeyinin binası məhz bu formadadır. Biz Bakıda – Azərbaycandayıq. Söhbət açacağımız məkan özünəməxsusluğu, unikallığı ilə fərqlənən, bütünlüklə xalçaçılıq sənətinə həsr olunmuş muzeydir.

Muzey 1967-ci ildə yaradılıb. Əvvəllər o, İçərişəhərdəki Cümə məscidində yerləşib. 1991-ci ildə Neftçilər prospektində yerləşən keçmiş Lenin Muzeyinə, 2014-cü ildə isə Dənizkənarı Milli Parkdakı hazırkı binasına köçürülüb. Muzeyin indiki binasının layihəsi avstriyalı memar Frans Yansa məxsusdur. O, nəhəng bükülmüş xalçanı xatırladır.

Binaya daxil olduqda özünüzü asma tuneldə gəzirmiş kimi hiss edəcəksiniz. Burada yalnız Azərbaycan xalçalarının dünyadakı ən böyük kolleksiyası deyil (yeri gəlmişkən, onlardan bəzilərinin tarixi XVII əsrə qədər gedib çıxır), həm də arxeoloji tapıntılar və xalq sənət nümunələri, həmçinin keramika, yağ lampaları, toxuma, tikiş və zərgərlik əşyaları nümayiş olunur.

Muzeydə əl işi olan sadə xalçalara da, mürəkkəb naxışlı xalçalara da rast gəlmək mümkündür. Burada xalçaçılıqda istifadə olunan dəzgahlarla, yunlarla, iplərlə də tanış ola bilərsiniz. Bu Xalça Muzeyində xalçaların üzərindəki həyat ağacı, xaç, o cümlədən islam rəmzləri və s. ornamentlərin zamanla dəyişmiş formalarını, bir sözlə təkamülünü seyr etmək mümkündür.

Hazırda Azərbaycan Milli Xalça Muzeyi koronavirus pandemiyası səbəbilə bağlıdır. Lakin onun qiymətli xəzinəsi sayılan kolleksiyası onlayn şəkildə internet istifadəçilərinin ixtiyarındadır. Siz virtual tur vasitəsilə hər üç mərtəbəni sərbəst şəkildə dolaşa, orada sərgilənən işlərə baxa, daha çox diqqət çəkənlərin tarixinə belə, nəzər sala bilərsiniz.

(İtalyan dilindən tərcümə - WorldMedia.Az)

Mənbə: LA STAMPA

 
          

Saytın materiallarından istifadə zamanı worldmedia.az-a istinad mütləqdir  

© 2016-2020, WorldMedia.az