22.10.2020 09:38
Ana səhifə | Haqqımızda | Bizimlə əlaqə  
    
 
  Son tərcümələr

  Dağlıq Qarabağdakı gərginliyin arxasında nə dayanır?
 
21.10.2020
Əl-Cəzirə, Qətər
 

  MÜSAHİBƏ| Hikmət Hacıyev: “Azərbaycanın yeganə məqsədi sülhü bərqərar etməkdir”
 
21.10.2020
La Repubblica, İtaliya
 

  FOTOREPORTAJ| Yaşayış evlərinə raket zərbəsi: 12 ölü, 40-dan çox yaralı
 
20.10.2020
Daily Mail, Böyük Britaniya
 

  Misli görünməmiş riyakarlıq!
 
20.10.2020
Yeni Şafak, Türkiyə
 

  MÜSAHİBƏ| Dağlıq Qarabağ müharibəsi nəyə aparıb çıxara bilər?
 
20.10.2020
Pravda.ru, Rusiya
 

 
 
SOCAR: “Neft-qaz infrastrukturunun təhlükəsizliyi təmin edilir”

 
 



Reuters, Böyük Britaniya
29.09.2020


Müəlliflər: Maksim Rodionov, Nailə Bağırova

Azərbaycan Dövlət Neft Şirkəti – SOCAR bəyan edib ki, Azərbaycan Ordusunun tədbirləri sayəsində ölkənin neft-qaz infrastrukturunun təhlükəsizliyi təmin edilir. Söhbət Azərbaycan Silahlı Qüvvələrinin Dağlıq Qarabağ regionunda apardığı hərbi əməliyyatlardan gedir.

Ermənistanla Azərbaycan arasında 1990-cı illərin əvvələrindən bəri ən şiddətli hərbi qarşıdurma artıq 3 gündür ki davam edir. Mülki şəxslər arasında itkilər artır. Doğrudur, döyüşlər əsas enerji infrastrukturunun keçdiyi ərazinin yaxınlığında aparılmır. İstənilən halda, SOCAR-ın ictimaiyyətlə əlaqələr və tədbirlərin təşkili idarəsinin rəis müavini İbrahim Əhmədov “Reuters”ə deyib ki, ölkənin neft-qaz hasilatı və ixracı əməliyyatları adi rejimdə davam edir.

Nəhəng neft şirkəti olan BP də Azərbaycanda həyata keçirilən layihələrlə bağlı biznes əməliyyatlarının adi rejimdə davam etdiyini bildirib.

Ekspertlər hesab edir ki, Ermənistanla Azərbaycan arasında Dağlıq Qarabağ regionunda hərbi qarşıdurma enerji resurslarının tədarükünə təsir göstərməyib. Amma münaqişənin daha da gərginləşəcəyi təqdirdə neft-qaz ixracında problem yarana bilər.

Azərbaycan neftinin nəql edildiyi əsas marşrut Bakı-Tbilisi-Ceyhan kəməridir. Ölkə neftinin təxminən 80%-i Gürcüstandan keçən, Türkiyənin Aralıq dənizi sahilinə qədər uzanan bu kəmər vasitəsilə nəql olunur.

Bakı-Tbilisi-Ceyhan kəmərilə gündəlik 1,2 milyon barel neft ixrac edilir. Bu, dünya üzrə neft tədarükünün təxminən 1%-i qədərdir.

BP-nin başçılıq etdiyi beynəlxalq konsorsium isə Azərbaycanın nəhəng “Şahdəniz” yatağında hasilat işləri aparır. Bu ilin sonundan Azərbaycandan Avropaya qaz nəqlinə başlanacağı gözlənilir.

(İngilis dilindən tərcümə - WorldMedia.Az)

Mənbə: Reuters

 
          

Saytın materiallarından istifadə zamanı worldmedia.az-a istinad mütləqdir  

© 2016-2020, WorldMedia.az