14.05.2021 20:31
Ana səhifə | Haqqımızda | Bizimlə əlaqə  
    
 
  Son tərcümələr

  Şuşa Azərbaycanın mədəniyyət paytaxtı elan edildi
 
11.05.2021
Swissinfo.ch, İsveçrə
 

  AVRO-2020-nin kuboku Azərbaycanda!
 
08.05.2021
Sözcü, Türkiyə
 

  Heydər Əliyev – Azərbaycan dövlətçiliyinin xilaskarı
 
08.05.2021
Daily İslamabad Post, Pakistan
 

  Qarabağda postmüharibə dövrü: Tehran-Bakı münasibətlərində yeni fəsil
 
07.05.2021
MASHREGHNEWS, İran
 

  Qərb mediasının qərəzi: Azərbaycan prezidentinin videosu trendə çevrilir
 
07.05.2021
OpIndia, Hindistan
 

 
 
VİDEO| Dağlıq Qarabağ: minalanmış sahə və başımızın üzərindən uçan raketlər

 
 



Euronews, Aİ
27.10.2020


Müəllif: Emin İbrahimov

Hər iki tərəfin atəşkəsi təmin etmək vədlərinə baxmayaraq, Dağlıq Qarabağ müharibə şəraitində yaşayır. Münaqişə zonasının müxtəlif hissələrində bu günlərdə baş vermiş hərbi əməliyyatların izləri görünür: dağıdılmış tikililər, partlayış nəticəsində yaranmış çuxurlar, yanmış nəqliyyat vasitələri, tərk edilmiş hərbi texnika...

Emin İbrahimov (“Euronews”): “Biz Naftalandan bu yaxınlaradək Ermənistan ordusunun nəzarətində olmuş Talış kəndinə yollanırıq. Biz sözün əsl mənasında minalanmış sahə ilə gedirik”.

Bu bölgə Bakı üçün strateji əhəmiyyət kəsb edir. Çünki burada böyük su anbarı yerləşir. Azərbaycanın Tərtər rayonunun fermer təsərrüfatı məhz bu su anbarından asılıdır. Regiondakı fermerlər bu su anbarını hələ 1992-ci ildə ələ keçirmiş erməni tərəfini buradan su axınını dayandırmaqda ittiham edirdi.

Bu gün isə Azərbaycanın pampıqçılıqla məşğul olan fermerləri inanır ki, artıq su təchizatı tam bərpa ediləcək, nəticədə kənd təsərrüfatı ilə məşğul olan rayonların işi qaydasına düşəcək. İndi su anbarı tamamilə Bakının nəzarətindədir.

Babək Səmədli (Azərbaycan Ordusunun polkovniki): “Hazırda biz işğaldan azad olunmuş Suqovuşan yaşayış məntəqəsində yerləşən su anbarındayıq. Buraya əvvəllər Ermənistan ordusu nəzarət edirdi. Onlar bu nasoslar vasitəsilə suyun Tərtər çayı ilə təbii axınının qarşısını alırdılar. Tərtər rayonunda suvarmaya daha çox ehtiyac duyulduğu dövrdə bu nasoslar işə düşürdü. Nəticədə su geri vurulur, bununla da Tərtər rayonu su təminatından məhrum olurdu”.

Bu yaşayış məntəqəsi mühüm əhəmiyyət kəsb edir. Odur ki, burada vəziyyət xüsusilə təhlükəlidir. Azərbaycanlı hərbçilər bildirir ki, Azərbaycan artilleriyası onları atəşə tutan Ermənistan ordusunun mövqelərinə zərbələr endirir.

“Euronews”un çəkiliş qrupu jurnalistləri aparan yolsuzluq avtomobilinin üzərindən uçan raketə şahidlik edib...

Rikoşet nəticəsində avtomobilə yüngül ziyan dəyib. Bu dəfə heç kim xəsarət almayıb.

(Rus dilindən tərcümə - WorldMedia.Az)

Mənbə: Euronews

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az