16.06.2021 12:32
Ana səhifə | Haqqımızda | Bizimlə əlaqə  
    
 
  Son tərcümələr

  Almaniya ordusu Azərbaycanla müharibəni uduzardı
 
15.06.2021
THE TIMES, Böyük Britaniya
 

  “İran Azərbaycanın azad olunmuş ərazilərinin bərpasında iştirak edəcək”
 
14.06.2021
TasnimNews, İran
 

  Bakı: “şərab dili”ndə danışan sirli ucqar şəhər
 
14.06.2021
La Repubblica, İtaliya
 

  Dünyanın ən çox minalanmış regionu: Qarabağda mülki əhali arasında qurbanlar artır
 
14.06.2021
BrusselsMorning, Belçika
 

  FOTOREPORTAJ| Uels yığmasının Bakıdakı düşərgəsində
 
11.06.2021
WalesOnline, Böyük Britaniya
 

 
 
VİDEO| Azərbaycan Ermənistan üzərində qələbədən üç ay sonra Xocalı qətliamını anır

 
 



France 24, Fransa
01.03.2021


Müəlliflər: Lüdoviq dö Furko, Hüseyn Əsəd

Dağlıq Qarabağdakı son müharibədən sonra Ermənistanda yeni siyasi qarşıdurmanın yaşandığı bir vaxtda, Azərbaycan kütləvi anım mərasimləri keçirir. 26 fevral bu ölkədə əhəmiyyətli gündür. 29 il əvvəl, Birinci Qarabağ müharibəsi zamanı erməni silahlı qüvvələri azərbaycanlılara qarşı kütləvi qətliam törədib.

Amma bu il anım mərasimləri bir qədər fərqli formada keçir. Azərbaycan hökuməti tərəfindən Bakıya dəvət edilmiş xüsusi müxbirlərimiz Lüdoviq dö Furko və Hüseyn Əsədin reportajı:

Müharibənin başa çatmasındam 3 ay sonra Azərbaycan paytaxtı Bakının hər tərəfində eyni şüarlar görünür. Şəhərdə erməni silahlı birləşmələrinin 1990-cı illərin əvvəllərində, Birinci Qarabağ müharibəsi zamanı törətdikləri Xocalı qətliamının qurbanları anılır. Amma qələbə ruhu azalmayıb.

Biz 1992-ci il fevralın 26-da həyat yoldaşını itirmiş 70 yaşlı Mehriban xanımın evinə yollanırıq.

Mehriban Əliyeva: “Dörd tərəfdən yandıra-yandıra gəlirdilər. Qaça bilməyək deyə, hər tərəfdən yolları bağlamışdılar. Onlar insanları öldürür, diri-diri yandırır, dərilərini soyurdular”.

Müharibənin şiddətli vaxtında ermənilər müdafiə etdikləri anklavın paytaxtı olan Xankəndini hədəf almış bombardmanların qarşısını kəsmək üçün Xocalıya hücuma keçiblər. Bəzi döyüşçülər Sumqayıt və Bakıda təzyiqlərlə üzləşmiş ermənilərin qohumları idi. Onlar intiqam hissi ilə alışıb-yanırdı. Və yüzlərlə ölü...

Mehriban xanım deyir ki, ölkəsi bu yaxınlarda Qarabağ savaşında qələbə qazansa da, onlar bu faciəni unudulmayacaq və bağışlanmayacaqlar.

Mehriban Əliyeva: “Ermənilər bizim üçün əbədi düşməndir”.

Ermənistan tərəfi deyir ki, onlar 1992-ci ildə Azərbaycanın hakimiyyət orqanlarına Xocalıya hücum olunacağına dair xəbərdarlıq edibmiş.

Elçin Əmirbəyov (Azərbaycanın birinci vitse-prezidentinin köməkçisi): “Ermənistan tərəfinin Xocalıda guya azərbaycanlıların azərbaycanlıları öldürdüyünə dair iddiaları qəribədir. Vaxt gələcək, bu qətliama beynəlxalq məhkəmələr tərəfindən layiqli qiymət veriləcək. Hesab edirəm ki, Xocalıda nələrin baş verdiyini hər kəs bilməlidir”.

Azərbaycan illərdir Xocalı qıtliamının soyqırımı kimi tanınmasına çalışır. Amma BMT bu iddianı qəbul etmir.

Bu gün Bakı şəhidlərin xatirəsini yad etməklə yanaşı, Ermənistanda siyasi proseslərin gedişini də diqqətlə izləyir. Qonşu ölkədəki siyasi böhrana münasibət bildirən Azərbaycan prezidenti İlham Əliyev deyib ki, Yerevan Dağlıq Qarabağla bağlı razılaşmaya əməl etməzsə, daha çətin vəziyyətə düşəcək.

(Fransız dilindən tərcümə - WorldMedia.Az)

Mənbə: France 24

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az