09.12.2021 15:44
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycana “Nobel”li ziyarət
 
08.12.2021
Hürriyet, Türkiyə
 

  Azərbaycan 10 erməni hərbi əsiri azad edib
 
07.12.2021
L’Orient-Le Jour, Fransa
 

  İran və Azərbaycan prezidentlərinin görüşünə baxış
 
02.12.2021
Nournews, İran
 

  Yaxın Şərq və Avrasiyada sülh mümkündürmü?
 
02.12.2021
THE JERUSALEM POST, İsrail
 

  Rusiya Ermənistanla Azərbaycan arasında sülhə töhfə verməyə çalışır
 
01.12.2021
Eureporter, Aİ
 

 
 
İranla Azərbaycan arasında ticarət əlaqələri genişlənir

 
 



IRNA, İran
10.09.2021


Azərbaycanın Tehrandakı yeni səfiri Əli Əlizadə hesab edir ki, ölkəsi ilə İran arasında ticarət əlaqələrinin, biznes münasibətlərinin miqyası indikindən 2-3 dəfə çox olmalıdır.

IRNA xəbər verir ki, Əli Əlizadə İrana gəldikdən sonra verdiyi ilk açıqlamalardan birində iqtisadi əlaqələrdən danışıb. “Azərbaycan rəhbərliyinin tövsiyəsi ticarət və biznes əlaqələrini inkişaf etdirmək, 2-3 qat artırmaqdır”, - deyə səfir bildirib: “Azərbaycan iki ölkə, xüsusilə həmsərhəd bölgələr arasında iqtisadi-ticari əlaqələrin inkişafını dəstəkləyir”.

Ərdəbil vilayətinə dəvət olunmuş səfir bu dəvəti məmnunluqla qəbul etdiyini bildirib: “Ən qısa zamanda Ərdəbilə gedəcək, dövlət rəsmiləri və özəl sektor nümayəndələri ilə görüşlər keçirəcəyəm”.

Bu arada, Ərdəbil vilayəti başçısının iqtisadi məsələlərin koordinasiyası üzrə müavini Ərjəng Əzizi bu vilayətlə Azərbaycan Respublikası arasında iqtisadi-ticari əlaqələrin inkişaf etdirilməsinin əhəmiyyətini vurğulayıb. İran-Azərbaycan sərhədini ən etibarlı sərhədlərdən biri adlandıran Əzizi deyib: “İranla Azərbaycanın ortaq mədəni, sosial və dini cəhətləri var. Təsadüf deyil ki, iqtisadi-ticari əlaqələrin inkişafının vacibliyi daim hər iki ölkənin yüksək vəzifəli şəxsləri tərəfindən vurğulanır və dəstəklənir”.

Azərbaycanın Tehrandakı yeni səfirini Ərdəbil vilayətinə səfərə dəvət edən Əzizi fikrini belə davam etdirib: “Vilayət rəsmilərinin yeni səfirdən gözləntisi pandemiya şəraitində Ərdəbil vilayətindən iş adamlarının Azərbaycana gediş-gəlişinin sadələşdirilməsinə, Parsabad rayonunun Yenikənd sərhəd məntəqəsində dəmir yolu dokunun tikintisi ilə bağlı Azərbaycan rəsmiləri ilə əldə olunmuş razılaşmanın həyata keçirilməsinə töhfə verməsidir”.

Qeyd edək ki, Azərbaycanın yeni səfiri İrana Astaradan quru sərhədi ilə daxil olub. Onu burada vilayət başçısının müavini, Ərdəbil Ticarət, Sənaye, Mədən və Kənd Təsərrüfatı Palatasının sədri və Astara Gömrük Baş İdarəsinin rəisi qarşılayıblar.

İran Fars körfəzinin ərəb ölkələri ilə müqayisədə, bu ilin birinci yarısında ən çox ticarət əməliyyatlarını Azərbaycan Respublikası ilə həyata keçirib. Bu müddətdə iki ölkə arasındakı ticarət dövriyyəsinin həcmi 194 milyon dollardan çox olub.

(Fars dilindən tərcümə - WorldMedia.Az)

Mənbə: IRNA

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az